मुंबईतील पहिली भूमिगत मेट्रो 24 जुलैपासून सुरू होणार, जाणून घ्या मार्ग|Mumbais first underground metro will start from July 24

मुंबईतील पहिली भूमिगत मेट्रो 24 जुलैपासून सुरू होणार, जाणून घ्या मार्ग

एकाच वेळी तीन हजार लोकांना मेट्रोमध्ये चढता येणार आहे.

विशेष प्रतिनिधी

मुंबईतील पहिली भूमिगत मेट्रो – मेट्रो 3 – एक्वा लाईन 24 जुलैपासून सुरू होणार आहे. भाजपचे राष्ट्रीय सरचिटणीस विनोद तावडे यांनी बुधवारी त्यांच्या सोशल मीडिया प्लॅटफॉर्म X वर पोस्ट करून ही माहिती दिली आहे. पोस्ट शेअर करताना त्यांनी लिहिले की, “पंतप्रधान नरेंद्र मोदी यांनी मुंबईकरांचे जीवन सुसह्य करण्याची हमी दिली होती आणि ती पूर्ण होणार आहे. मुंबईची पहिली भुयारी मेट्रो (एक्वा लाईन) 24 जुलैपासून सुरू होत आहे, जी शहराच्या गतीला नवी गती देईल.Mumbais first underground metro will start from July 24

‘माध्यमे लोकांना त्यांच्या सामर्थ्याची जाणीव करून देतात’ ; मुंबईतील INS कार्यक्रमात पंतप्रधान मोदींचं विधान!

ही एक्वा लाइन कुलाबा, SEEPZ आणि वांद्रे या प्रमुख भागांना जोडेल. सरकारच्या म्हणण्यानुसार, आरे कॉलनी ते कफ परेड या ३३.५ किमीच्या मार्गात एकूण २७ थांबे असतील. मेट्रो 3- एक्वा लाईन मुंबई महानगर प्रदेश विकास प्राधिकरण अंतर्गत बांधण्यात आली आहे, तर लाईन 1 रिलायन्सच्या खासगी भागीदारीच्या सहकार्याने बांधण्यात आली आहे.

भारत सरकारच्या निवेदनानुसार, नवीन मेट्रो लाईन “शहरी परिवहनात बदल करेल, मुंबईच्या रस्त्यांवरील प्रवास सुलभ करेल आणि वाहतूक कोंडी कमी करेल.” एक्वा मेट्रो लाईनची दररोज प्रवासी क्षमता अंदाजे 17 लाख लोक असेल. एकाच वेळी तीन हजार लोकांना मेट्रोमध्ये चढता येणार आहे.