अमेरिकेत लोकसंख्येपेक्षा बंदुका जास्त; फ्री गन कल्चर वरून भारतीयांनी डोनाल्ड ट्रम्पना सुनावले!!

By, Pravin Wankhade - April 26, 2026 06:00:21

0

नाशिक : अमेरिकेचे अध्यक्ष डोनाल्ड ट्रम्प यांनी आयोजित केलेल्या डिनरच्या ठिकाणी गोळीबाराची घटना घडली. त्यामुळे जगभरात खळबळ उडाली. अमेरिकेच्या राष्ट्राध्यक्षांच्या सुरक्षा व्यवस्थेवरचे प्रश्नचिन्ह गडद झाले. डोनाल्ड ट्रम्प यांनी पत्रकार परिषद घेऊन भरपूर खुलासा केले. पंतप्रधान नरेंद्र मोदी यांनी डोनाल्ड ट्रम्प गोळीबारातून वाचल्याबद्दल समाधान व्यक्त केले.More guns than population in America; Indians slam Donald Trump over free gun culture!!

पण त्याचवेळी भारतीयांनी डोनाल्ड ट्रम्प यांना अमेरिकेतल्या फ्री गन कल्चर वरून परखड शब्दांमध्ये सुनावले.

फडणवीस – ठाकरे भेटीची सोडली पुडी; पण संशय पेरणी दोघांपैकी कुणाविषयी??

डोनाल्ड ट्रम्प यांनी भारताला नुकतेच hellhole म्हणजे नरक म्हणून हिणावले होते, त्याच डोनाल्ड ट्रम्प यांना अमेरिकाच आता तुमच्यासाठी hellhole म्हणजे नरक बनल्याचे काही भारतीय अधिकाऱ्यांनी सुनावले.

#WATCH | Jammu | On firing at White House Correspondents' Dinner in Washington, DC, former J&K DGP Shesh Paul Vaid says, “…We are glad that he escaped the assassination attempt and no harm was caused to him or his Cabinet… It is very surprising that despite the best security in… pic.twitter.com/XrdRxNdZwD

— ANI (@ANI) April 26, 2026

– भारतीय अधिकाऱ्यांनी सुनावले

जम्मू काश्मीरचे माजी पोलीस महासंचालक एम. एस. वैद यांनी डोनाल्ड ट्रम्प गोळीबारातून वाचल्याबद्दल समाधान व्यक्त केले. पण ट्रम्प यांनी भारताला नरक म्हटल्याबद्दल टीका केली. अमेरिकेमध्ये फ्री गन कल्चर असल्यामुळे तिथे असले गोळीबाराचे प्रकार नेहमीच घडतात. अमेरिकेने भारताकडून शस्त्र नियंत्रण शिकले पाहिजे. भारतामध्ये ज्या पद्धतीने 1956 पासून शस्त्र निर्बंध आहेत, त्यांची अंमलबजावणी होता आहे, त्यामुळे भारत अधिक सुरक्षित आहे, हे डोनाल्ड ट्रम्प यांनी लक्षात घेतले पाहिजे. उगाच भारताला hellhole म्हणण्यात मतलब नाही. अमेरिकेची काय स्थिती झाली बघा, असा टोमणा वैद यांनी हाणला.

#WATCH | Delhi | On firing at White House Correspondents' Dinner in Washington, DC, former Indian diplomat KP Fabian says, “I have been following it, and the man who did that is named Thomas Allen from California, and he was staying in the same hotel. What is most remarkable is… pic.twitter.com/sEIa0kcWd7

— ANI (@ANI) April 26, 2026

भारताचे अमेरिकेतले माजी राजदूत फेबियन अशाच प्रकारे डोनाल्ड ट्रम्प यांना परखड शब्दांमध्ये सुनावले. अमेरिकेतले अंतर्गत सुरक्षा व्यवस्था ढासळून गेली आहे. ट्रम्प यांच्या डिनर मधला गोळीबार हे त्याचेच निदर्शक आहे, अशा शब्दांमध्ये फेबियन यांनी अमेरिकन सुरक्षा व्यवस्थेचे वाभाडे काढले. अमेरिकेत लोकसंख्येपेक्षा बंदुका जास्त आहेत. त्याच्यावर कधीतरी नियंत्रण आणायचा विचार त्यांना करावाच लागेल. नाहीतर अशा गोळीबारांना कायमचे तोंड द्यावे लागेल, असा इशारा सुद्धा फेबियन यांनी दिला.

– आर्म्स लॉबीच्या करामती

अमेरिकेतल्या आर्म्स लॉबीला डोनाल्ड ट्रम्प यांनी पाठिंबा दिला. त्या लॉबीने सुद्धा ट्रम्प यांना पाठिंबा दिला. त्यामुळे अमेरिकेतल्या गन कल्चर मध्ये वाढ झाली. अमेरिकेत प्रत्येकी 100 लोकांमागे 120 बंदुका आहेत. याविषयी चिंता केली पाहिजे तिथे शस्त्र निर्बंध लावले पाहिजेत पण डोनाल्ड ट्रम्प यांनी ते लावले नाहीत. बराक ओबामा यांनी शस्त्र निर्बंध लावायचे प्रयत्न केले पण त्यांना ते जमले नाही. आर्म्स लॉबीने त्यांना ते करू दिले नाही, याकडे फेबियन यांनी आवर्जून लक्ष वेधले.

या सगळ्याचा अर्थ हाच की, डोनाल्ड ट्रम्प बाकीच्या जगाला सुरक्षा विषयी किंवा अन्य विषयांवर लेक्चरबाजी करतात पण त्यांना स्वतःच्या देशामध्ये सुरक्षित राहता येत नाही. इतर देशांना नावे ठेवण्यापेक्षा त्यांनी स्वतःच्या देशातील आणि स्वतःची सुरक्षा पाहावी, अशाच आशयाच्या टोमण्यांना त्यांना सामोरे जावे लागले.