वृत्तसंस्था
नवी दिल्ली : निवडणूक आयोग 2024च्या लोकसभा निवडणुकीपूर्वी देशातील राष्ट्रीय आणि राज्यस्तरीय पक्षांची नवीन यादी जारी करू शकतो. निवडणूक आयोग सध्या देशातील अशा राजकीय पक्षांचा आढावा घेत आहे. यामध्ये असे अनेक राजकीय पक्ष आहेत, ज्यांचा राष्ट्रीय पक्षाचा दर्जा हिसकावून घेतला जाऊ शकतो.Many parties including BSP and TMC are likely to be stripped of their national party status soon
हिंदुस्तान टाइम्सच्या वृत्तानुसार, 2019च्या सार्वत्रिक निवडणुकीनंतर, निवडणूक आयोगाने भारतीय कम्युनिस्ट पार्टी (सीपीआय), राष्ट्रवादी काँग्रेस पार्टी (एनसीपी), तृणमूल काँग्रेस (टीएमसी) आणि बहुजन समाज पक्ष यांच्यासह देशातील अनेक राजकीय पक्षांना नोटिसा बजावल्या आहेत.
हे असे राष्ट्रीय पक्ष आहेत ज्यांची 2019च्या सार्वत्रिक निवडणुका आणि राज्य निवडणुकांमध्ये कामगिरी खालावली आहे. अशा स्थितीत निवडणूक आयोगाने या राजकीय पक्षांना नोटीस बजावून विचारणा केली होती की त्यांचा राष्ट्रीय पक्षाचा दर्जा का कायम ठेवावा? मात्र, कोरोना महामारीमुळे निवडणूक आयोगाच्या निर्णयाला विलंब झाला आणि यथास्थिती कायम ठेवण्यात आली.
निवडणूक आयोगाने अनेक पक्षांचा युक्तिवाद ऐकून घेतला
आता पुढील वर्षी सार्वत्रिक निवडणुका होणार असताना निवडणूक आयोगाने रखडलेली प्रक्रिया पुन्हा सुरू केली आहे. आयोगाने गेल्या महिन्यात टीएमसी, सीपीएमसह सुमारे 8 राजकीय पक्षांची बाजूही ऐकून घेतली आहे.
अहवालानुसार काही राजकीय पक्षांना निवडणूक आयोगाकडून दिलासाही मिळू शकतो. विशेषत: ज्यांची 2019च्या सार्वत्रिक निवडणुकीतील कामगिरी अत्यंत खराब झाली आहे. यानंतरही निवडणूक आयोग त्यांना राष्ट्रीय पक्ष म्हणून दिलेला दर्जा कायम राहू शकतो.
राष्ट्रीय पक्षाचा दर्जा कसा मिळतो?
नियमानुसार, राजकीय पक्षाला राष्ट्रीय पक्षाची मान्यता मिळवण्यासाठी अनेक अटी पूर्ण कराव्या लागतात. पहिली अट म्हणजे लोकसभा किंवा विधानसभा निवडणुकीत पक्षाला चार किंवा त्याहून अधिक राज्यांमध्ये किमान 6 टक्के मते मिळणे आवश्यक आहे.
महत्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more