Mamata Govt WATCH : ममतांच्या मंत्र्याची महिला अधिकाऱ्याला धमकी; म्हणाला- काठीने मारेन, माझ्यासमोर मान झुकवून बोल; अतिक्रमण काढण्यासाठी गेल्या होत्या वनाधिकारी

By, Pravin Pawar - August 4, 2024 05:00:48

0

वृत्तसंस्था

कोलकाता : पश्चिम बंगालमधील ममता सरकारमधील मंत्री अखिल गिरी( Akhil Giri ) हे एका महिला वन अधिकाऱ्याला धमकावल्यामुळे वादात सापडले आहेत. बंगाल भाजपने शनिवारी (3 ऑगस्ट) अखिल गिरी एका महिला अधिकाऱ्यासोबत गैरवर्तन करतानाचा व्हिडिओ शेअर केला आहे. व्हिडिओमध्ये अखिल गिरी महिला अधिकारी मनीषा शॉ यांच्यावर ओरडताना दिसत आहे. ते बंगालीत म्हणाले, ‘तुम्ही सरकारी कर्मचारी आहात. मान झुकवून माझ्याशी बोला. एका आठवड्यात तुमचे काय होते ते तुम्ही बघा.

अखिल गिरी इथेच थांबले नाहीत. ते म्हणाले, ‘पुन्हा याप्रकरणी नाक खुपसले तर मागे फिरता येणार नाही. हे गुंड तुम्हाला रात्री घरी जाऊ देणार नाहीत. आपला मार्ग सुधारा, नाहीतर मी काठीने मारेन.”

Modi Government : वक्फ कायद्यात मोठी दुरुस्ती करण्याच्या तयारीत मोदी सरकार, उद्या संसदेत मांडले जाऊ शकते विधेयक

West Bengal Minister Akhil Giri threatens a lady Forest Officer because she was performing her duty to remove illegal encroachment in forest areas.

What did he say –

1. "সরকারি কর্মচারী, মাথা নিচু করে কথা বলবেন।" – You are a government employee, bow down your head (infront of… pic.twitter.com/CDrULP9Mli

— BJP West Bengal (@BJP4Bengal) August 3, 2024

महिला वनाधिकारी अतिक्रमण काढण्यासाठी गेल्या होत्या

मीडिया रिपोर्ट्सनुसार, अखिल गिरी यांचा हा व्हिडिओ पूर्व मेदिनीपूर जिल्ह्यातील ताजपूर बीचजवळचा आहे. येथे जिल्हा वनाधिकारी मनीष शॉ या त्यांच्या पथकासह वनविभागाच्या जमिनीवरील अतिक्रमण काढण्यासाठी गेल्या होत्या. दरम्यान, मंत्री तेथे पोहोचले आणि त्यांनी महिला अधिकाऱ्याशी वाद घातला.

हा व्हिडिओ कधीचा आहे हे अद्याप समजू शकलेले नाही. वनाधिकारी मनीषा यांनीही याबाबत अद्याप कोणतीही प्रतिक्रिया दिलेली नाही. मंत्र्याच्या वागणुकीवरून भाजप नेत्यांनी बंगालमधील महिलांच्या सुरक्षेवर प्रश्न उपस्थित केले आहेत.

भाजपने म्हटले- मंत्र्याला तुरुंगात टाकण्याची हिंमत ममता करतील का?

भाजपच्या बंगाल युनिटने X वर लिहिले, ‘ममता बॅनर्जी या मंत्र्याला मंत्रिमंडळातून काढून तुरुंगात टाकण्याचे धाडस करतील का? सरकारी कर्मचाऱ्यांच्या कामात अडथळा आणून महिलेच्या प्रतिष्ठेला धक्का लावल्याप्रकरणी ममता बॅनर्जी मंत्री गिरी यांच्यावर गुन्हा दाखल करणार का?

भाजप नेते कौस्तव बागची यांनीही राज्यपालांना पत्र लिहून मंत्री अखिल गिरी यांची हकालपट्टी करण्याची मागणी केली आहे. बागची म्हणाले- गिरी यांनी यापूर्वीही वादग्रस्त गोष्टी बोलल्या आहेत. यापूर्वी त्यांनी राष्ट्रपती द्रौपदी मुर्मू यांच्यावर महिलाविरोधी आणि अपमानास्पद वक्तव्य केले होते. या कमेंटमुळे जगभरात वाद निर्माण झाला होता. शेवटी त्यांनी माफी मागितली. पण यातून त्यांनी कोणताही धडा घेतला नसल्याचे दिसून येत आहे.