‘ताबडतोब लेबनॉन सोडा’, भारतीय दूतावासाने जारी केली मार्गदर्शक सूचना

By, Pravin Wankhade - September 26, 2024 10:00:59

0

इस्रायल आणि लेबनॉनमधील युद्ध अधिक उग्र होत आहे.

विशेष प्रतिनिधी

नवी दिल्ली : इस्रायल आणि लेबनॉनमधील ( Lebanon ) युद्ध उग्र होत असून त्यामुळे मध्यपूर्वेतील तणाव झपाट्याने वाढत आहे. यासंदर्भात, बेरूतमधील भारतीय दूतावासाने बुधवारी लेबनॉनमधील भारतीय नागरिकांसाठी एक ॲडव्हायझरी जारी केली आणि त्यांना ताबडतोब देश सोडण्याचा सल्ला दिला.

PMRDA मुंबई महानगर क्षेत्रातील दळणवळण, पायाभूत सुविधा, आर्थिक विकास वाढीच्या प्रकल्पांना गती द्या: मुख्यमंत्री एकनाथ शिंदे

बेरूतमधील भारतीय दूतावासाने ट्विटरवर एक पोस्ट शेअर केली आहे की, ‘प्रदेशातील तणाव लक्षात घेता, भारतीय नागरिकांना पुढील सूचना मिळेपर्यंत लेबनॉनला प्रवास न करण्याचा सल्ला देण्यात आला आहे. लेबनॉनमध्ये आधीपासूनच उपस्थित असलेल्या सर्व भारतीय नागरिकांना लेबनॉन सोडण्याचा सक्त सल्ला देण्यात आला आहे.

याशिवाय जे कोणत्याही कारणास्तव मुक्काम करत आहेत त्यांनी अत्यंत सावधगिरी बाळगण्याचा सल्ला दिला आहे, त्यांच्या हालचाली थांबवाव्यात आणि बेरूतमधील भारतीय दूतावासाशी संपर्क साधावा. असे कळवण्यात आले आहे.