कुकी दहशतवद्यांना मणिपूरमध्ये CRPF कॅम्पला केले लक्ष्य ; बॉम्ब फेकले, दोन जवान शहीद

By, Pravin Wankhade - April 28, 2024 08:00:59

0

Kuki terrorists target CRPF camp in Manipur Bomb thrown, two jawans martyred

मतदानादरम्यान झालेल्या गोळीबारात तीन जण जखमी झाले होते.

विशेष प्रतिनिधी

बिष्णुपूर : मणिपूरमधील बिष्णुपूर जिल्ह्यातील नरनसेना भागात शुक्रवारी २८ एप्रिल रोजी कुकी दहशतवाद्यांनी केलेल्या हल्ल्यात सीआरपीएफचे दोन जवान शहीद झाले. त्यात दोन जवान जखमी झाले आहेत. एन सरकार आणि अरुप सैनी अशी मृतांची नावे आहेत. मणिपूर पोलिसांनी सांगितले की, दहशतवाद्यांनी पहाटे २.१५ वाजता मैतेई वर्चस्व असलेल्या गावात गोळीबार केला आणि बॉम्ब फेकले. यावेळी सीआरपीएफच्या चौकीत स्फोट झाला.Kuki terrorists target CRPF camp in Manipur Bomb thrown, two jawans martyred

मणिपूरमध्ये सीआरपीएफचे 2 जवान शहीद; कुकी अतिरेक्यांनी मैतेई गावात सेंट्रल फोर्स पोस्टवर बॉम्ब फेकले, 2 जवान जखमी

या हल्ल्यात इन्स्पेक्टर जाधव दास, हेड कॉन्स्टेबल अरुप सैनी आणि कॉन्स्टेबल आफताब हुसैन आणि सीआरपीएफच्या १२८ व्या बटालियनचे उपनिरीक्षक जखमी झाले. त्यानंतर एन सरकार आणि अरुप सैनी यांचा उपचारादरम्यान मृत्यू झाला. विष्णुपूरमध्ये १९ एप्रिलला पहिल्या टप्प्यातील मतदान झाले होते. मतदानादरम्यान झालेल्या गोळीबारात तीन जण जखमी झाले होते. मात्र, मतदान संपल्यानंतरही हा हल्ला झाला.

याआधी मणिपूरच्या चुराचंदपूर जिल्ह्यातही हिंसाचार झाला होता, ज्यामध्ये २ जणांचा मृत्यू झाला होता. या हिंसाचारात ३००-४०० लोक सामील होते. पोलीस कॉन्स्टेबलच्या निलंबनाच्या निषेधार्थ जमावाने एसपी आणि डीसी कार्यालयांवर हल्ला केला होता. या हिंसाचारात ४० हून अधिक लोक जखमी झाले आहेत.

१७ जानेवारी रोजी मोरेह भागात दहशतवाद्यांनी सुरक्षा दलाच्या वाहनावर हल्ला केला होता. यामध्ये दोन जवानांचा जागीच मृत्यू झाला. याशिवाय एका कुकी महिलेलाही आपला जीव गमवावा लागला. कुकी बंडखोरांनीही बॉम्ब फेकले आणि एका पोस्टवर गोळीबार केला. मणिपूरमध्ये आरक्षणावरून कुकी आणि मैतई यांच्यात हिंसाचार सुरू आहे. राज्यात आतापर्यंत 200 हून अधिक लोकांचा मृत्यू झाला आहे. सुमारे ६५ हजार लोकांना घरे सोडून छावण्यांमध्ये राहण्यास भाग पाडले आहे.