पीएम मोदींवरील आक्षेपार्ह वक्तव्यावर खरगेंची सारवासारव, म्हणाले- कोणी दुखावले असल्यास खेद व्यक्त करेन|Kharge's summary of the offensive statement on PM Modi, said - I will express my regret if anyone has been hurt

पीएम मोदींवरील आक्षेपार्ह वक्तव्यावर खरगेंची सारवासारव, म्हणाले- कोणी दुखावले असल्यास खेद व्यक्त करेन

वृत्तसंस्था

नवी दिल्ली : काँग्रेसचे राष्ट्रीय अध्यक्ष मल्लिकार्जुन खरगे यांनी गुरुवारी पंतप्रधान नरेंद्र मोदी यांच्यावर केलेल्या आक्षेपार्ह वक्तव्याबाबत स्पष्टीकरण दिले. कर्नाटकातील कलबुर्गी येथे एका जाहीर सभेला संबोधित करताना खरगे यांनी पंतप्रधान मोदींवर आक्षेपार्ह टिप्पणी केली होती.Kharge’s summary of the offensive statement on PM Modi, said – I will express my regret if anyone has been hurt

माझ्या वक्तव्यामुळे कोणी दुखावले गेले असेल, त्याचा चुकीचा अर्थ काढला गेला असेल आणि कोणी नाराज झाले असेल, तर त्याबद्दल मी खेद व्यक्त करेन, असे काँग्रेस अध्यक्ष म्हणाले.

शरद पवार की पीएम मोदी? राज ठाकरेंचा आवडता नेता कोण, मनसे प्रमुखांचे उत्तर होतंय व्हायरल

“कोणालाही दुखवण्याचा हेतू नव्हता”

खरगे म्हणाले, “आमच्यात वैचारिक मतभेद आहेत. आरएसएस-भाजपची विचारधारा विषारी आहे, पण त्याची तुलना पंतप्रधानांशी करत मी त्यांच्याबद्दल भाष्य केल्याचा दावा त्यांनी केला. कोणत्याही व्यक्तीबद्दल बोलण्याचा किंवा कुणाला दुखवण्याचा माझा हेतू नव्हता.”

खरगे यांच्यावर चौफेर टीका

पंतप्रधान मोदींबद्दल आक्षेपार्ह वक्तव्य केल्याने खरगे यांच्यावर चौफेर टीका झाली होती. सोनिया गांधी यांच्या ‘मौत के सौदागर’ या टिप्पणीशी तुलना करून भाजपने प्रत्युत्तर दिले. मात्र, नंतर खरगे यांचा खुलासाही समोर आला.

ही टिप्पणी पंतप्रधान मोदींसाठी नसून भाजपच्या विचारसरणीसाठी असल्याचे खरगे यांनी म्हटले होते. पंतप्रधान मोदींसाठी मी वैयक्तिकरीत्या असे कधीच बोललो नाही असे ते म्हणाले होते.

भाजपचा खरगेंवर हल्लाबोल

केंद्रीय अर्थमंत्री निर्मला सीतारामन म्हणाल्या की, खरगे यांचे असे वक्तव्य काँग्रेसची मानसिकता दर्शवते… एकीकडे राहुल गांधी प्रेम, एकोप्यासाठी भारत जोडो यात्रा काढतात आणि त्यांच्या पक्षाचे अध्यक्ष देशाच्या पंतप्रधानांबद्दल असे शब्द वापरतात.

केंद्रीय मंत्री स्मृती इराणी म्हणाल्या की, आज ते कोणत्या प्रकारचे विष ओकत आहेत, हे देश पाहत आहे. काँग्रेस नेत्याने पंतप्रधान मोदींवर अपमानास्पद टिप्पणी करण्याची ही पहिलीच वेळ नाही. अशा शेरेबाजीने त्यांनी कर्नाटक निवडणुकीत काँग्रेसचा पराभव निश्चित केला आहे.