Karnataka government : तिरुपती लाडू प्रकरणानंतर कर्नाटक सरकारने दिला ‘हा’ आदेश

By, Pravin Wankhade - September 21, 2024 08:00:56

0

कर्नाटकच्या सिद्धरामय्या सरकारने एक निर्देश जारी केला

विशेष प्रतिनिधी

बंगळुरू : आंध्र प्रदेशच्या तिरुपती मंदिरात उपलब्ध असलेल्या लाडू प्रसादाच्या तुपात प्राण्यांची चरबी असल्यानं प्रत्येकजण चिंतेत आहे. हा हिंदूंच्या श्रद्धेवरचा मोठा आघात असल्याचे म्हटले जात आहे. त्याचवेळी या वादानंतर आता कर्नाटक सरकारही कारवाईत आले आहे.

कर्नाटकच्या सिद्धरामय्या सरकारने एक निर्देश जारी केला असून, राज्याच्या मंदिर व्यवस्थापन संस्थेच्या अंतर्गत येणाऱ्या सर्व ३४,००० मंदिरांमध्ये नंदिनी ब्रँड तूप वापरणे अनिवार्य केले आहे.

Maldives : ‘थँक्यू इंडिया’, संकटात सापडलेल्या मालदीवच्या मदतीला भारतच आला धावून

कर्नाटक सरकारच्या नवीन निर्देशानुसार, त्यांच्या अखत्यारीतील सर्व मंदिरांना मंदिरातील दिवे लावणे, प्रसाद तयार करणे आणि ‘दसोहा भवन’ (जेथे भक्तांना भोजन दिले जाते) यासारख्या धार्मिक विधींमध्ये फक्त नंदिनी तूप वापरण्यास सांगितले आहे.

कर्नाटक सरकारने मंदिरातील कर्मचाऱ्यांना प्रसादाच्या गुणवत्तेशी कधीही तडजोड केली जाणार नाही याची काळजी घेण्याचे आदेश दिले आहेत. कर्नाटक राज्याच्या धार्मिक बंदोबस्त विभागांतर्गत सर्व अधिसूचित मंदिरांमध्ये, सेवा, दिवे आणि सर्व प्रकारचे प्रसाद तयार करण्यासाठी आणि दसोहा भवनात फक्त नंदिनी तूप वापरण्याचे निर्देश देण्यात आले आहेत.