Kamal Haasan : कन्नड भाषा वादावर कमल हसन यांनी माफी मागण्यास दिला नकार, म्हणाले..

By, Pravin Wankhade - June 4, 2025 09:00:27

0

कमल हसन यांचा ‘ठग लाईफ’ हा चित्रपट गुरुवारी थिएटरमध्ये प्रदर्शित होणार आहे

विशेष प्रतिनिधी

नवी दिल्ली : Kamal Haasan अभिनेता कमल हसन यांनी कन्नड भाषेवरील केलेल्या टिप्पणीवरील वाद अद्याप संपलेला नाही. एकीकडे त्यांनी या वादावर माफी मागण्यास नकार दिला आहे, तर पत्रकार परिषदेत त्यांनी सांगितले की त्यांच्याकडे तामिळ भाषेसाठी खूप काही सांगायचे आहे, परंतु ते आता ते बोलणार नाहीत.Kamal Haasan

खरं तर कमल हसन यांचा ‘ठग लाईफ’ हा चित्रपट गुरुवारी थिएटरमध्ये प्रदर्शित होणार आहे. निर्माते आणि विशेषतः कमल हसन या चित्रपटाबद्दल खूप उत्सुक आहेत. या उत्साहात त्यांनी एका कार्यक्रमादरम्यान म्हटले होते की कन्नड ही प्रत्यक्षात तमिळ भाषेतून आलेली भाषा आहे.

Devendra Fadnavis : ब्राह्मण समाजाचे काम दुधात साखरे सारखे, मुख्यमंत्री देवेंद्र फडणवीस यांचे प्रतिपादन

कमल हसन यांच्या या विधानाचा कर्नाटकात तीव्र विरोध झाला. कर्नाटक फिल्म चेंबर ऑफ कॉमर्सने इशारा दिला की जर कमल हसन यांनी माफी मागितली नाही, तर त्यांचा चित्रपट कर्नाटकात प्रदर्शित होऊ दिला जाणार नाही. मंगळवारी कर्नाटक उच्च न्यायालयानेही त्यांच्या विधानाबद्दल त्यांना फटकारले.

तर पत्रकार परिषदेत त्यांनी भाषा वादावर भाष्य करण्यास नकार दिला, परंतु ते म्हणाले की एक तमिळ म्हणून मला खूप काही सांगायचे आहे, परंतु मी नंतर बोलेन. कमल हासन हे देखील एक राजकारणी आहेत आणि मक्कल निधी मय्यमचे प्रमुख आहेत.