शिवराज सिंह चौहान यांना जे.पी. नड्डांकडून दिल्लीला बोलावणे; नवी जबाबदारी मिळणार?

By, Pravin Wankhade - December 18, 2023 04:30:42

0

जाणून घ्या शिवराजसिंह चौहान यांनी काय दिली प्रतिक्रिया

विशेष प्रतिनिधी

भाजपच्या राष्ट्रीय अध्यक्षांनी मध्य प्रदेशचे माजी मुख्यमंत्री शिवराज सिंह चौहान यांना बैठकीसाठी दिल्लीत बोलावले आहे. त्यावर शिवराजसिंह चौहान म्हणाले की, राष्ट्रीय अध्यक्षांनी दिल्लीला बोलावले असून संघटना जो निर्णय घेईल ते काम मी करेल. मीडिया रिपोर्ट्सनुसार, शिवराज सिंह चौहान आज संध्याकाळी साडेसात वाजता दिल्लीत भाजपच्या राष्ट्रीय अध्यक्षांची भेट घेणार आहेत.JP Nadda called Shivraj Singh Chauhan to Delhi for a meeting

मध्य प्रदेशात भाजपचं पुन्हा सत्तेवर! शिवराज सिंह चौहान यांची पहिली प्रतिक्रिया, म्हणाले…

याआधी रविवारी राज्यातील मंत्रिमंडळ विस्ताराबाबत राज्यातील भाजपच्या वरिष्ठ नेत्यांनी केंद्रीय नेतृत्वासोबत बैठक घेतली होती. या बैठकीत मुख्यमंत्री मोहन यादव, प्रदेश भाजप अध्यक्ष व्हीडी शर्मा, संघटन सरचिटणीस हितानंद, उपमुख्यमंत्री जगदीश देवरा आणि राजेंद्र शुक्ला, ज्योतिरादित्य सिंधिया, प्रल्हाद पटेल, कैलाश विजयवर्गी आणि नरेंद्र तोमर सहभागी झाले होते.

या दिग्गजांशिवाय आमदार निवडणुकीत पराभूत झालेले केंद्रीय मंत्री फग्गनसिंग कुलस्ते हेही या बैठकीला उपस्थित होते. मात्र, माजी मुख्यमंत्री शिवराज सिंह चौहान या बैठकीला उपस्थित राहिले नाहीत. याबाबत विविध प्रकारचे अंदाज बांधले जात होते. यानंतर आता भाजपच्या राष्ट्रीय अध्यक्षांनी शिवराज सिंह चौहान यांना भेटण्यासाठी दिल्लीला बोलावले आहे.

वास्तविक, राज्यातील मंत्रिमंडळ सदस्यांची नावे अद्याप निश्चित झालेली नाहीत. मंत्रिमंडळातील सदस्यांच्या नावांबाबत पक्षाध्यक्ष नड्डा शिवराज सिंह चौहान यांच्याशी चर्चा करू शकतात, असे मानले जात आहे. मध्य प्रदेशचे मुख्यमंत्री मोहन यादव यांच्या मंत्रिमंडळाचा १९ डिसेंबरला विस्तार होण्याची शक्यता आहे. याआधी मंत्र्यांच्या नावांवर एकमत घडवण्याचे प्रयत्न सुरू आहेत.