सुप्रीम कोर्टातील प्रलंबित केसेसची माहिती एका क्लिकवर; राष्ट्रीय न्यायपालिका डेटा ग्रीडशी जोडले गेले सुप्रीम कोर्ट|Information on pending cases in the Supreme Court in one click; Supreme Court linked with National Judiciary Data Grid

सुप्रीम कोर्टातील प्रलंबित केसेसची माहिती एका क्लिकवर; राष्ट्रीय न्यायपालिका डेटा ग्रीडशी जोडले गेले सुप्रीम कोर्ट

वृत्तसंस्था

नवी दिल्ली : सर्वोच्च न्यायालय आता राष्ट्रीय न्यायपालिका डेटा ग्रीडशी जोडले गेले आहे. यामुळे याचिकाकर्ता केवळ एका क्लिकवर आपली केस ट्रॅक करू शकेल. सर्वोच्च न्यायालयाचे सर न्यायाधीश धनंजय चंद्रचूड यांनी गुरुवारी याची घोषणा करताना सांगितले, यामुळे न्याय व्यवस्थेत पारदर्शकता येईल.Information on pending cases in the Supreme Court in one click; Supreme Court linked with National Judiciary Data Grid

हा निर्णय ऐतिहासिक असल्याचे सांगत ते म्हणाले, ही सिस्टिम नॅशनल इनफॉर्मेटिक्स सेंटर (एनआयसी) आणि सर्वोच्च न्यायालयाच्या इन-हाऊस टीमने तयार केली आहे. एका क्लिकवर प्रलंबित असलेली प्रकरणे, वर्षनिहाय नोंदणीकृत असलेली व नसलेली प्रलंबित प्रकरणे, कोरमनुसार निश्चित केलेली प्रकरणे आदींच्या संख्येची अचूक माहिती पाहता येईल.

नोकऱ्यांमध्ये 10% आरक्षण आणि EWS अंतर्गत प्रवेश संविधानाच्या विरोधात : वाचा सुप्रीम कोर्टातील वकिलांचा युक्तिवाद

ते म्हणाले, या पोर्टलवर तालुका, जिल्हा आणि उच्च न्यायालयाचे आकडे अपडेट व्हायचे. आता सर्वोच्च न्यायालयाचेही होतील. सध्या सर्वोच्च न्यायालयात 80,000 पेक्षा अधिक प्रकरणे प्रलंबित आहेत. त्यापैकी 15,490 प्रकरणांची अद्याप नोंदणी झालेली नाही. त्यामुळे त्यांचा प्रलंबित प्रकरणांत समावेश केला नाही. जुलैमध्ये 5,000 पेक्षा अधिक प्रकरणे रद्द केली होती.