दारू घोटाळ्यात तुरुंगाची हवा खाणारे मनीष सिसोदिया, संजय सिंह आम आदमी पार्टीच्या स्टार प्रचारकांच्या यादीत सामील!! in the list of star campaigners of Aam Aadmi Party

दारू घोटाळ्यात तुरुंगाची हवा खाणारे मनीष सिसोदिया, संजय सिंह आम आदमी पार्टीच्या स्टार प्रचारकांच्या यादीत सामील!!

विशेष प्रतिनिधी

नवी दिल्ली : मध्य प्रदेश, छत्तीसगड, तेलंगणा, मिझोराम आणि राजस्थान या सर्व विधानसभा निवडणुका स्वतंत्रपणे लढवण्याची घोषणा आम आदमी पार्टीने आधीच केली आहे. त्यामुळे विधानसभा निवडणुकीत “इंडिया” आघाडी तुटल्यातच जमा आहे. in the list of star campaigners of Aam Aadmi Party

या पार्श्वभूमीवर आम आदमी पार्टीने काही राज्यांमध्ये विशिष्ट मर्यादित संख्येतच उमेदवार जाहीर केले आहेत, पण त्यांच्या पाठोपाठ स्टार प्रचारकाची भली मोठी यादी प्रसिद्ध केली आहे. या यादीत दारू घोटाळ्यात सध्या तुरुंगाची हवा खाणारे दिल्लीचे उपमुख्यमंत्री मनीष सिसोदिया आणि खासदार संजय सिंह यांचाही समावेश आम आदमी पार्टीने केला आहे.

AAP ने छत्तीसगढ़ चुनाव के लिए 37 स्टार प्रचारकों की सूची जारी की।

दिल्ली के मुख्यमंत्री और AAP के राष्ट्रीय संयोजक अरविंद केजरीवाल, पंजाब के मुख्यमंत्री भगवंत मान, AAP सांसद संजय सिंह, पार्टी नेता मनीष सिसौदिया और अन्य नेताओं को स्टार प्रचारक के रूप में नामित किया गया है। pic.twitter.com/fFcqimaZZv

— ANI_HindiNews (@AHindinews) October 20, 2023

मनीष सिसोदिया सध्या सीबीआय न्यायालयीन कोठडीत आहेत. त्यांची न्यायालयीन कोठडी 22 तारखेपर्यंत आहे. 22 ऑक्टोबरला सुनावणी झाल्यानंतर त्यांची न्यायालयीन कोठडीतून सुटका होते किंवा नाही हे ठरणार आहे, पण त्यापूर्वीच आम आदमी पार्टीच्या स्टार प्रचारकांच्या यादीत मनीष सिसोदिया यांचे नाव घालून आम आदमी पार्टीने “राजकीय आत्मविश्वास” दाखविला आहे.

संजय सिंह यांना तर गेल्याच आठवड्यात ईडीने अटक केली. ते सध्या ईडी कोठडीत आहेत, तरीसुद्धा त्यांचाही समावेश आम आदमी पार्टीने स्टार प्रचारकांच्या यादीत करून आपण काँग्रेसच्या राज्यांमध्ये भ्रष्टाचाराविरुद्ध लढण्यासाठी अग्रेसर झाल्याचे आम आजमी पार्टीने दाखवून दिले आहे.

स्टार प्रचारकांच्या उरलेल्या यादीत दिल्लीचे मुख्यमंत्री अरविंद केजरीवाल, पंजाबचे मुख्यमंत्री भगवंत मान, क्रिकेटपटू हरभजन सिंह यांच्यासह एकूण 37 जणांचा समावेश केला आहे. प्रत्यक्षात आम आदमी पार्टीने छत्तीसगड विधानसभा निवडणुकीत आत्तापर्यंत फक्त 33 उमेदवार जाहीर केले आहेत. पण स्टार प्रचारकांची यादी मात्र 37 नेत्यांची बनविली आहे.