बंगालमध्ये दलित अल्पवयीन मुलीचा मृतदेह पोलिसांनी रस्त्यावर फरपटत नेला, व्हिडिओ व्हायरल होताच जमावाने जाळले पोलिस ठाणे|In Bengal, the body of a dalit minor girl was dragged by the police on the road, as the video went viral, the police station was burnt by the mob.

बंगालमध्ये दलित अल्पवयीन मुलीचा मृतदेह पोलिसांनी रस्त्यावर फरपटत नेला, व्हिडिओ व्हायरल होताच जमावाने जाळले पोलिस ठाणे

वृत्तसंस्था

कोलकाता : पश्चिम बंगालमधील उत्तर दिनाजपूर जिल्ह्यात मंगळवारी एका दलित अल्पवयीन मुलीवर बलात्कार आणि हत्येनंतर पुन्हा हिंसाचार उसळला. मुलीचा पोस्टमॉर्टम रिपोर्ट आल्यानंतर आदिवासी आणि राजबंशी समाजातील लोक कालियागंज पोलीस ठाण्यासमोर निदर्शने करत होते.In Bengal, the body of a dalit minor girl was dragged by the police on the road, as the video went viral, the police station was burnt by the mob.

आयपीएस सना अख्तर म्हणाल्या की, अहवालात बलात्काराचा उल्लेख नाही, त्यानंतर आंदोलक संतप्त झाले. या लोकांना पांगवण्यासाठी पोलिसांनी लाठीमार केला आणि अश्रुधुराच्या नळकांड्या फोडल्या. संधीचा फायदा घेत काही अज्ञातांनी पोलीस ठाण्यात घुसून आग लावली. त्यानंतर या लोकांनी पोलिस ठाण्यावर दगडफेकही केली.

‘’२०२४च्या निवडणुकीत बंगालमध्ये भाजपा ३५ पेक्षा जास्त जागा जिंकेल, आणि …’’ अमित शाह यांचे विधान!

शुक्रवार, 21 एप्रिल रोजी कालियागंजमधील एका 17 वर्षीय दलित अल्पवयीन मुलाचा मृतदेह कालव्यात तरंगताना आढळून आला होता. बलात्कारानंतर मुलीची हत्या करण्यात आल्याचा आरोप कुटुंबीयांनी केला आहे.

मृतदेह फरपटत नेल्याप्रकरणी 4 पोलिस निलंबित

कालियागंज येथील साहेबघाटा परिसरात अल्पवयीन मुलीचा मृतदेह ओढल्याप्रकरणी एएसआय दर्जाच्या 4 पोलीस अधिकाऱ्यांना निलंबित करण्यात आले आहे. रायगंजच्या एसपी सना अख्तर यांनी मंगळवारी ही माहिती दिली. विभागीय चौकशी करून अहवालाच्या आधारे कारवाई करण्यात आल्याचे त्यांनी सांगितले.

त्याच वेळी पोलिसांनी या घटनेसंदर्भात एका 20 वर्षीय मुलाला अटक केली आहे. मुलगी आणि आरोपी एकमेकांना ओळखत असल्याचे त्यांनी सांगितले.

पोलिसांनी मृतदेह ओढत नेला

अल्पवयीन मुलीचा मृतदेह घेण्यासाठी आलेल्या पोलिसांवर ग्रामस्थांनी दगडफेक केली. गर्दीवर नियंत्रण ठेवण्यासाठी रॅपिड अॅक्शन फोर्सच्या (आरएएफ) जवानांना पाचारण करावे लागले. पोलिसांनी अश्रुधुराच्या नळकांड्या फोडल्या आणि लाठीचार्जही केला. एवढेच नाही तर मुलीचा मृतदेह फरपटत नेल्याचा व्हिडिओही समोर आला आहे.