Narayana Murthy : ‘मी स्वतः ७० तास काम केले, पण मी कोणालाही असे करण्यास भाग पाडू शकत नाही’

By, Pravin Wankhade - January 21, 2025 05:00:29

0

नारायण मूर्ती यांचे नवे विधान ; जाणून घ्या, आणखी काय म्हटले?

विशेष प्रतिनिधी

मुंबई : Narayana Murthy इन्फोसिसचे सह-संस्थापक एनआरएन नारायण मूर्ती यांनी म्हटले आहे, की कोणालाही जास्त वेळ काम करण्यास भाग पाडले जाऊ शकत नाही. पण, प्रत्येकाने स्वतः विचार केला पाहिजे आणि त्याची गरज समजून घेतली पाहिजे.Narayana Murthy

त्यांनी अलिकडेच तरुणांना आठवड्यातून ७० तास काम करण्याचा सल्ला दिला. मूर्ती म्हणाले की त्यांनी इन्फोसिसमध्ये ४० वर्षे दर आठवड्याला ७० तासांपेक्षा जास्त काम केले. या मुद्द्यावर वादविवाद करण्याची गरज नाही, तर त्यावर विचार करण्याची गरज आहे.

Sharad Pawar : पहाटेच्या शपथविधी वरून खर्गे – पवार वाद; पण कुणी कुणाचा, का केला विश्वासघात??

नारायण मूर्ती म्हणाले की, मी सकाळी ६:३० वाजता ऑफिसला पोहोचायचो आणि रात्री ८:३० वाजता निघायचो. मी ते केले आहे. आयएमसी मुंबई येथे किलाचंद स्मृती व्याख्यानानंतर मूर्ती यांनी काम आणि जीवनातील संतुलनाबद्दल विचारले.

नारायण मूर्ती म्हणाले की हे त्यांच्या वैयक्तिक आयुष्याचे विषय आहेत. यावर वादविवाद करण्याऐवजी आत्मपरीक्षण आवश्यक आहे. असे कोणीही म्हणू शकत नाही की तुम्ही हे करावे, तुम्ही हे करू नये. ६० टक्के भारतीय अजूनही दरमहा मोफत अन्नधान्यावर अवलंबून आहेत. इतकी गरिबी कोणत्याही देशासाठी चांगली नाही. सुसंस्कृत समाज म्हणजे असा समाज जिथे पुढच्या पिढीचे जीवन चांगले बनवण्यासाठी काम केले जाते.