सोने पहिल्यांदाच तब्बल 74 हजार प्रतितोळ्याच्या पुढे; चांदीही विक्रमी तेजीत, 92 हजार रुपये किलो|Gold surpasses 74 thousand for the first time; Silver is also on a record high, 92 thousand rupees per kg

सोने पहिल्यांदाच तब्बल 74 हजार प्रतितोळ्याच्या पुढे; चांदीही विक्रमी तेजीत, 92 हजार रुपये किलो

वृत्तसंस्था

नवी दिल्ली : मंगळवारी सोने आणि चांदीने उच्चांक गाठला. इंडिया बुलियन अँड ज्वेलर्स असोसिएशन (IBJA) च्या वेबसाइटनुसार, 10 ग्रॅम सोन्याची किंमत 839 रुपयांनी महागून 74,222 रुपये झाली. चांदीनेही उच्चांक गाठला आहे. चांदी 6,071 रुपयांनी महागली आणि प्रति किलो 92,444 रुपयांवर पोहोचली. यापूर्वी सोमवार, 20 मे रोजी ती 86,373 रुपयांवर होती.Gold surpasses 74 thousand for the first time; Silver is also on a record high, 92 thousand rupees per kg

सोन्याची तस्करी करताना अफगाणिस्तानच्या डिप्लोमॅटला अटक; दुबईहून मुंबईत आणले 25 किलो सोने

कॅरेट किंमत (रु/10 ग्रॅम)
24 74,222
22 67,987
18 55,667

यंदा सोन्यामध्ये आतापर्यंत 10 हजार रुपयांनी वाढ झाली

IBJA नुसार, यावर्षी आतापर्यंत सोन्याच्या किमतीत 10,870 रुपयांनी वाढ झाली आहे. 1 जानेवारीला सोन्याचा भाव 63,352 रुपये होता, तो आता 74,222 रुपये प्रति 10 ग्रॅमवर पोहोचला आहे. त्याच वेळी, एक किलो चांदीचा भाव 73,395 रुपयांवरून 92,444 रुपयांवर पोहोचला आहे.

पुढील वर्षभरात सोने 85 हजार रुपयांपर्यंत जाऊ शकते

एचडीएफसी सिक्युरिटीजचे कमोडिटी अँड करन्सी हेड अनुज गुप्ता यांच्या मते, येत्या काही दिवसांतही सोने आणि चांदीमध्ये वाढ होण्याची शक्यता आहे. पुढील एका वर्षात सोन्याचा भाव 80 हजार ते 85 हजार रुपये प्रति 10 ग्रॅमपर्यंत जाऊ शकतो. तर चांदीही एक लाख रुपये किलोपर्यंत पोहोचू शकते.