गौतम अदानींची गुजरातमध्ये मोठी घोषणा, दर तासाला 5 कोटी रुपये खर्च करणार|Gautam Adanis big announcement in Gujarat will spend Rs 5 crore per hour

गौतम अदानींची गुजरातमध्ये मोठी घोषणा, दर तासाला 5 कोटी रुपये खर्च करणार

गेल्या वर्षीच्या तुलनेत यंदा सुमारे चारपट गुंतवणूक करण्याचे त्यांनी जाहीर केले

विशेष प्रतिनिधी

अहमदाबाद : गुजरात व्हायब्रंटची धमाकेदार सुरुवात झाली आहे. या समिटमध्ये टाटा ग्रुपपासून रिलायन्स इंडस्ट्रीजपर्यंत सर्वांनी मोठ्या घोषणा केल्या. पण हा सगळा कार्यक्रम पहिल्याच दिवशी गौतम अदानींनी हायजॅक केला. त्यांनी अशी घोषणा केली की केवळ गुजरातमध्येच नाही तर संपूर्ण देशात खळबळ उडाली आहे.Gautam Adanis big announcement in Gujarat will spend Rs 5 crore per hour

बारामती विद्या प्रतिष्ठानच्या टेक्नॉलॉजी सेंटरसाठी गौतम अदानींची 25 कोटींची देणगी; पवारांनी मानले आभार!!

गेल्या वर्षीच्या तुलनेत यंदा सुमारे चारपट गुंतवणूक करण्याचे त्यांनी जाहीर केले आहे. याचा अर्थ गौतम अदानी गुजरातमध्ये दर तासाला सुमारे पाच कोटी रुपयांची गुंतवणूक करण्याचा विचार करत आहेत. तसेच गौतम अदानी ज्या प्रकल्पावर काम करत आहेत त्याचे दृश्यही अवकाशातून दिसणार आहे.

खरे तर जेव्हापासून अदानी ग्रुपची हिंडेनबर्ग पासून सुटका झाली आहे, तेव्हापासून गौतम अदानी पूर्ण फॉर्ममध्ये दिसत आहेत. प्रथम त्यांनी समूहाच्या सर्व कंपन्यांना पुन्हा रुळावर आणले. त्यानंतर त्यांनी विदेशी गुंतवणूकदारांना अदानी समूहात गुंतवणूक करण्यास प्रेरित केले. ज्यासाठी त्यांनी रोड शो केले आणि आखाती देशांपासून युरोपपर्यंत प्रवास केला. आता त्यांनी आपल्या मुलाला त्यांच्या आवडत्या कंपनी अदानी पोर्ट आणि सेझचे एमडी बनवले. ज्याने तामिळनाडूमध्ये दाखवून दिले की त्यांच्याकडे क्षमता आहे आणि तो आगामी काळात संपूर्ण ग्रूप हाताळू शकतो.