बिहारचे माजी उपमुख्यमंत्री सुशील कुमार मोदींचे निधन!

By, Pravin Wankhade - May 14, 2024 09:32:04

0

कॅन्सरशी सुरू असलेली झुंज ठरली अपयशी, दिल्लीतील एम्स रुग्णालयात घेतला अखेरचा श्वास Former Deputy Chief Minister of Bihar Sushil Kumar Modi passed away!

विशेष प्रतिनिधी

बिहार : भारतीय जनता पक्षाचे ज्येष्ठ नेते आणि बिहारचे माजी उपमुख्यमंत्री सुशील मोदी यांचे निधन झाले आहे. ते कर्करोगाने ग्रस्त होते. वयाच्या ७२ व्या वर्षी दिल्लीतील एम्समध्ये त्यांनी अखेरचा श्वास घेतला. यापूर्वी बिहारचे माजी उपमुख्यमंत्री सुशील मोदी यांनी गेल्या महिन्यातच राजकारणातून निवृत्ती घेतली होती.

लोकसभा निवडणुकीच्या वेळी त्यांनी ही घोषणा केली होती. गेल्या सहा महिन्यांपासून मी कॅन्सरशी झुंज देत असल्याचे त्यांनी सोशल मीडियावर लिहिले होते.

सार्वजनिक जीवनातील शेवटचा संदेश

सुशील कुमार मोदी यांनी 03 एप्रिल रोजी सार्वजनिक जीवनासाठी शेवटचा संदेश दिला. त्यांनी सोशल मीडियावर लिहिले – “गेल्या सहा महिन्यांपासून मी कॅन्सरशी झुंज देत आहे. आता लोकांना सांगण्याची वेळ आली आहे, असे मला वाटले. लोकसभा निवडणुकीत मी काहीही करू शकणार नाही. मी सर्व काही पंतप्रधानांना सांगितले आहे. देश, बिहार आणि पक्षासाठी नेहमीच समर्पित.” हे त्यांचे शेवटचे शब्द होते.

कॅन्सरशी झुंज देत असलेले भाजप नेते सुशील मोदी म्हणाले- ‘आता मी लोकसभा निवडणुकीत..’

हे लिहिल्यानंतर सुशील मोदी बिहारमध्ये आले तेव्हा विमानतळावरील त्यांची अवस्था पाहून त्यांच्या समर्थकांना धक्काच बसला. त्याची प्रकृती प्रचंड खालावलेली होती. यानंतर भाजपचे अनेक दिग्गज नेते त्यांना त्यांच्या निवासस्थानी भेटायला आले होते.

सुशील मोदी, नितीश कुमार आणि लालू प्रसाद हे जेपी आंदोलनानंतर उदयास आलेले त्रिकुट म्हणून ओळखले जात होते. सुशील मोदी हे सुरुवातीपासूनच राष्ट्रीय स्वयंसेवक संघाशी संबंधित होते. 1971 मध्ये सुशील मोदींनी विद्यार्थी राजकारणातून राजकीय कारकिर्दीला सुरुवात केली. यानंतर युवा नेते म्हणून त्यांची ओळख विद्यापीठाच्या माध्यमातून राज्याच्या राजकारणात पोहोचली. 1990 मध्ये सुशील मोदी यांनी विधानसभा निवडणूक लढवली आणि विजयी होऊन ते आमदार झाले. यानंतर बिहारच्या राजकारणात त्यांचा दर्जा वाढत गेला.