बोगद्यात अडकलेल्या ४१ मजुरांना वाचवण्यासाठी आता डोंगराच्या माथ्यावरून खोदकाम! Excavation from the top of the mountain to save 41 laborers trapped in the tunnel

बोगद्यात अडकलेल्या ४१ मजुरांना वाचवण्यासाठी आता डोंगराच्या माथ्यावरून खोदकाम!

उत्तरकाशीत ‘महामिशन’ सलग आठव्या दिवशीही युद्धपातळीवर सुरू

विशेष प्रतिनिधी

उत्तराखंड : उत्तराखंडमधील उत्तरकाशी येथे बोगद्यात अडकलेल्या ४१ कामगारांना वाचवण्यासाठी आठव्या दिवशी एक मेगा मिशन सुरू झाले आहे. सिल्क्यरा ते दांडगाव बोगद्याच्या 4.5 किमी लांबीच्या भागात बचाव कर्मचारी सतत संकटग्रस्त लोकांना अधिक टिकेल असं अन्न पुरवत आहेत. Excavation from the top of the mountain to save 41 laborers trapped in the tunnel

शनिवारी संध्याकाळपासून येथे मोठ्या प्रमाणात कर्मचारी तैनात करण्यात आले आहेत. बॉर्डर रोड ऑर्गनायझेशन (BRO) कडून शेकडो मजुरांना डोंगरावर पाठवले जात आहे.

मोठमोठी यंत्रे आधीच डोंगर कापून एक मार्ग तयार करत आहेत जिथून उभ्या ड्रिलिंगद्वारे बोगद्यात प्रवेश करण्याचा प्रयत्न केला जाईल. बोगद्याच्या तोंडावर सेफ्टी ब्लॉक्स बसवून कामगारांसाठी आपत्कालीन सुटकेचा मार्गही तयार केला जात आहे. काल रात्री बॉर्डर रोड ऑर्गनायझेशन आणि इतर यंत्रणांकडून मोठ्या प्रमाणात मदत पुरवली जात होती.