पंतप्रधान मोदींना मिळालेल्या भेटवस्तूंचा ई-लिलाव सुरू; बनारस घाट पेंटिंगची मूळ किंमत सर्वाधिक 64.8 लाख रुपये; नमामि गंगे प्रकल्पावर खर्च होणार पैसा|E-auction of gifts received by PM Modi begins; The original cost of the Banaras Ghat painting was the highest at Rs 64.8 lakh; Money to be spent on Namami Gange project

पंतप्रधान मोदींना मिळालेल्या भेटवस्तूंचा ई-लिलाव सुरू; बनारस घाट पेंटिंगची मूळ किंमत सर्वाधिक 64.8 लाख रुपये; नमामि गंगे प्रकल्पावर खर्च होणार पैसा

वृत्तसंस्था

नवी दिल्ली : नॅशनल गॅलरी ऑफ मॉडर्न आर्टमध्ये पंतप्रधान मोदींना मिळालेल्या भेटवस्तू आणि स्मृतिचिन्हांचे प्रदर्शन आयोजित करण्यात आले आहे. या सर्वांचा ई-लिलाव 2 ऑक्टोबरपासून सुरू झाला असून तो 31 ऑक्टोबरपर्यंत चालणार आहे. केंद्रीय मंत्री मीनाक्षी लेखी यांच्या हस्ते लिलाव प्रक्रियेचे उद्घाटन करण्यात आले. या लिलावातून मिळणारी रक्कम नमामि गंगे प्रकल्पात खर्च केली जाणार आहे. लिलावात सहभागी होण्यासाठी, PMMomentos च्या वेबसाइटला भेट द्यावी लागेल.E-auction of gifts received by PM Modi begins; The original cost of the Banaras Ghat painting was the highest at Rs 64.8 lakh; Money to be spent on Namami Gange project

लिलावासाठी 912 वस्तू, बनारस पेंटिंगसाठी सर्वाधिक किंमत

912 वस्तू लिलावासाठी सूचीबद्ध केल्या आहेत. लिलाव होणार्‍या वस्तूंमध्ये कॉर्सेट्स, पेंटिंग्ज, ऑटोग्राफ केलेले टी-शर्ट, बॅग, शिल्प आणि हस्तकला यांचा समावेश आहे. भेटवस्तूंच्या लिलावाचा हा पाचवा टप्पा आहे. पहिला लिलाव जानेवारी 2019 मध्ये झाला होता. ई-लिलावात आतापर्यंत 7000 हून अधिक भेटवस्तू ठेवण्यात आल्या आहेत.

यावेळी लिलावात बनारस घाटाच्या पेंटिंगसाठी सर्वाधिक किंमत ठेवण्यात आली आहे. वेबसाइटनुसार, सध्या त्याची मूळ किंमत 64 लाख 80 हजार रुपये आहे. परेश मैती यांनी ही पेंटिंग पीएम मोदींना भेट दिली होती. वेबसाइटवर दिलेल्या माहितीनुसार, या पेंटिंगचे वजन 29 किलो आहे.

Starting today, an exhibition at the @ngma_delhi will display a wide range of gifts and mementoes given to me over the recent past.

Presented to me during various programmes and events across India, they are a testament to the rich culture, tradition and artistic heritage of… pic.twitter.com/61Vp8BBUS6

— Narendra Modi (@narendramodi) October 2, 2023

पंतप्रधानांनी भेटवस्तूंचे फोटो शेअर केले

पीएम मोदींनी प्रदर्शनाची काही छायाचित्रेही सोशल मीडियावर शेअर केली आहेत. यासोबतच त्यांनी लिहिले आहे की, मला मिळालेल्या भेटवस्तूंचे प्रदर्शन, जे आज दिल्लीच्या मॉडर्न आर्ट गॅलरीत लावले जात आहे, ते भारताच्या समृद्ध संस्कृती, परंपरा आणि कलात्मक वारशाचा पुरावा आहे. नेहमीप्रमाणे, या वस्तूंचा लिलाव केला जाईल आणि त्यातून मिळणारे पैसे नमामि गंगे उपक्रमावर खर्च केले जातील.