Prime Minister Modi : डायमंड किंगने पंतप्रधान मोदींना दिला करोडोचा नकाशा

By, Pravin Wankhade - December 3, 2024 05:00:41

0

जगातील हिऱ्यांनी बनवलेला भारताचा पहिला नकाशा

विशेष प्रतिनिधी

नवी दिल्ली : पंतप्रधान मोदींना जगभरातून भेटवस्तू मिळतात आणि त्यांची किंमतही खूप असते, परंतु यावेळी त्यांना मिळालेली भेट अनोखी आणि अमूल्य आहे. त्यांना हिऱ्यांनी बनवलेला भारताचा नकाशा भेट देण्यात आला, जो हिऱ्यांनी बनलेला जगातील पहिला भारताचा नकाशा आहे.

हा नकाशा भाजपचे राज्यसभा खासदार गोविंदभाई ढोलकिया यांनी पंतप्रधान मोदींना सादर केला असून, त्याची किंमत कोट्यवधींमध्ये असल्याचे सांगण्यात येत आहे. हा नकाशा बनवताना दोन हिरे तुटले. हा डायमंड नकाशा तिसऱ्या प्रयत्नात बनवला गेला.

Eknath Shinde : आपटवीरांची मांदियाळी, शिंदेंच्या पाठीशी उभी राहिली!!

याबाबत गोविंद भाई ढोलकिया यांनी एका वृत्तवाहिनी खास बातचीत केली. ढोलकिया म्हणाले, ‘आम्हाला पंतप्रधान मोदींना काहीतरी गिफ्ट द्यायचे होते जे खूप अनोखे आणि खास होते. मोदी हे आपल्या देशाचे रत्न आहेत, त्यामुळे आम्हाला त्यांना एक रत्न भेट द्यायचे होते, पण कोणते, आम्ही बराच काळ विचार केला आणि योजना केली. मग मनात आलं की आपल्याला हिऱ्यांनी बनवलेल्या भारताचा नकाशा द्यायला हवा पण आपल्याला हे सुद्धा माहीत नव्हतं की आपण हे करू शकू की नाही? तरीही आम्ही प्रयत्न करून या कामात सहभागी झालो.

ढोलकिया पुढे म्हणाले, ‘हा नकाशा बनवताना आमचे 40 लाख रुपये किमतीचे दोन हिरे आधीच तुटले होते पण आम्ही हिंमत हारलो नाही आणि तिसऱ्यांदा प्रयत्न केला. तिसऱ्या प्रयत्नात भारताचा हा डायमंड नकाशा तयार झाला जो आम्ही पंतप्रधान मोदींना भेट म्हणून दिला. हिऱ्यावर बनवलेला हा जगातील पहिला नकाशा आहे. लेसर तंत्रज्ञानाचा वापर करून ते कापले गेले आणि नंतर काळजीपूर्वक पॉलिश केले गेले.