Vijay Rupani and Nirmala Sitharaman : भाजपने विधिमंडळाचा नेता निवडीसाठी ‘या’ दोन नेत्यांना केले निरीक्षक

By, Pravin Wankhade - December 2, 2024 06:32:00

0

भाजपच्या विधीमंडळ पक्षाची बैठक ४ डिसेंबर रोजी होणार आहे

विशेष प्रतिनिधी

मुंबई :Vijay Rupani and Nirmala Sitharaman महाराष्ट्रातील विधानसभा निवडणुकीचे निकाल जाहीर होऊन आठवडा उलटला आहे. मात्र, अद्याप मुख्यमंत्रिपदाच्या चेहऱ्याची घोषणा झालेली नाही. यादरम्यान भारतीय जनता पक्षाने मोठे पाऊल उचलले आहे. पक्षाने महाराष्ट्रासाठी केंद्रीय निरीक्षक म्हणून निर्मला सीतारामन आणि विजय रुपाणी यांची नियुक्ती केली आहे.Vijay Rupani and Nirmala Sitharaman

Vijay Rupani, Nirmala Sitharaman : महाराष्ट्राचे मुख्यमंत्री निवडण्यासाठी विजय रूपाणी आणि निर्मला सीतारामन उद्या येणार मुंबईत!!

भाजपने जारी केलेल्या प्रसिद्धीपत्रकात म्हटले आहे – “भारतीय जनता पक्षाच्या संसदीय मंडळाने पक्षाच्या नेत्याच्या निवडीसाठी गुजरातचे माजी मुख्यमंत्री विजय रुपाणी आणि केंद्रीय अर्थमंत्री निर्मला सीतारामन यांची केंद्रीय निरीक्षक म्हणून नियुक्ती करण्यात आली आहे. निर्मला सीतारामन आणि विजय रुपाणी हे महाराष्ट्रातील भाजप विधिमंडळ पक्षाचे नेते निवडण्याची जबाबदारी सांभाळतील. 4 डिसेंबर रोजी मुंबईत महाराष्ट्रातील भाजप विधिमंडळ पक्षाची बैठक होणार आहे.

पीटीआयच्या वृत्तानुसार, भाजपच्या एका वरिष्ठ नेत्याने दावा केला आहे की, महाराष्ट्राचे मुख्यमंत्री म्हणून देवेंद्र फडणवीस यांचे नाव निश्चित झाले आहे. महाराष्ट्र विधानसभा निवडणुकीत महाआघाडीत भारतीय जनता पक्षाला १३२ जागा, शिवसेनेला ५७ जागा आणि राष्ट्रवादी काँग्रेसला ४१ जागा मिळाल्या आहेत.