धोनी आता राजकारणाची इनिंग सुरू करणार? भाजपच्या वरिष्ठ नेत्यांची घेतली भेट!

By, Pravin Wankhade - December 2, 2023 08:30:19

0

फोटोंमुळे सोशल मीडियावर सध्या जोरदार चर्चा सुरू झाली आहे.

विशेष प्रतिनिधी

रांची : भारतीय क्रिकेट संघाचा माजी कर्णधार व स्टार खेळाडू महेंद्रसिंग धोनी आणि झारखंडमधील भाजपच्या काही प्रमुख नेत्यांच्या भेटीचा फोटो सोशल मीडियावर व्हायरल होत आहे. त्यावरून बरीच चर्चा आणि अंदाज बांधणे सुरू आहे. ही केवळ एक सामान्य बैठक आहे की याला राजकीय महत्त्व आहे, असा प्रश्न सोशल मीडियावर चर्चेत आहे.Dhoni will now start the innings of politics Senior leaders of BJP met

महेंद्रसिंग धोनी गुरुवारी संध्याकाळी मुंबईला जाण्यासाठी ॉरांचीच्या बिरसा मुंडा विमानतळावर होता. यावेळी केंद्रीय गृहमंत्री अमित शहा रांचीला पोहोचणार होते आणि त्यांच्या स्वागतासाठी झारखंडमधील भाजपचे अनेक ज्येष्ठ नेते विमानतळावर उपस्थित होते.

धोनी पैसे वाटतोयच्या नावाखाली महिलेला फसवून दीड वर्षांच्या मुलीचे अपहरण!!

दरम्यान, भाजपचे राज्यसभा खासदार आणि पक्षाचे माजी प्रदेशाध्यक्ष दीपक प्रकाश, रांची भाजपचे आमदार आणि माजी मंत्री सीपी सिंह आणि कानके प्रदेशाचे आमदार समरी लाल यांनी महेंद्रसिंग धोनीची भेट घेतली. त्यांचे फोटो बाहेर आले आणि काही वेळातच ते सोशल मीडियावर व्हायरल झाले.

धोनीच्या राजकारणात येण्याच्या शक्यतेशी जोडून लोक या फोटोंवरून चर्चा करू लागले. राज्यसभा खासदार दीपक प्रकाश यांनी या भेटीचा फोटो सोशल मीडियावर पोस्ट केला आणि लिहिले, “क्रिकेटचा कोहिनूर, झारखंडची शान महेंद्रसिंग धोनीजी यांच्यासोबत छान भेट झाली.”

MS Dhoni Twitter : कॅप्टन कूल एमएस धोनीच्या अकाउंटवरून ट्विटरने ब्लू टिक हटवले, हे आहे कारण

या फोटोमध्ये धोनी आणि दीपक प्रकाश सोफ्यावर बसून बोलत आहेत. व्हायरल होत असलेल्या दुसऱ्या छायाचित्रात दीपक प्रकाश, रांचीचे भाजप आमदार सीपी सिंह आणि कानकेचे आमदार समरीलाल धोनीसोबत उभे आहेत. धोनीच्या जवळची सूत्रे या भेटीला निव्वळ योगायोग म्हणत आहेत.

रांचीमध्ये लहानाचा मोठा झाल्यामुळे धोनीचे तेथील अनेक लोकांशी संबंध आहेत. त्यात राजकीय पक्षांचे लोकही आहेत. एजेएसयू पक्षाचे प्रमुख सुदेश महतो यांच्याशीही त्यांची चांगली आणि जुनी मैत्री आहे, परंतु धोनीने नेहमीच असे संबंध वैयक्तिक ठेवले. आजवर त्यांनी कोणताही राजकीय कल दाखवलेला नाही.

धोनीने कधी राजकारणाकडे वळण्याचा निर्णय घेतला तर कोणत्याही राजकीय पक्षाच्या सर्वोच्च नेतृत्वाशी त्याचा थेट संपर्क असेल, असे जाणकारांचे म्हणणे आहे. त्यांचे व्यक्तिमत्व आणि लोकप्रियता इतकी वाढली आहे की राजकारणात येण्यासाठी त्यांना सर्वसामान्य नेत्यांच्या संपर्काची गरज भासणार नाही.