दिल्ली ढगाळ ; पावसाची शक्यता

By, Sachin Deshmukh - February 8, 2022 08:15:57

0

विशेष प्रतिनिधी

नवी दिल्ली : राजधानीत मंगळवारपासून दोन दिवस हवामानात बदल होत आहे. वेस्टर्न डिस्टर्बन्सच्या सक्रियतेमुळे ढगाळ आकाशासह पावसाची शक्यता आहे. येत्या २४ तासांत ढगाळ आकाशासह रात्रीपर्यंत हलक्या पावसाची शक्यता हवामान खात्याने वर्तवली आहे. Delhi cloudy; Chance of Rain;

हवामान खात्याने दिलेल्या माहितीनुसार, सोमवारी कमाल तापमान २६.१ अंश सेल्सिअस नोंदवले गेले, जे सामान्य तापमानापेक्षा तीन जास्त आणि किमान तापमान ८.८ अंश सेल्सिअस होते. हवेतील आर्द्रता ३६ ते ९७ % पर्यंत होती. दिवसभर सूर्यप्रकाश असताना सकाळी हलके धुके नोंदवले गेले.

दिल्ली आजपासून पूर्ववत होण्यास सज्ज कार्यालये, शाळा, स्विमिंग पूलसह जिमही सुरू होणार

वेस्टर्न डिस्टर्बन्सच्या सक्रियतेमुळे दिवसभर ढगाळ वातावरण राहील, असा अंदाज हवामान खात्याने वर्तवला आहे. रात्रीपर्यंत दिल्लीच्या काही भागात हलक्या पावसाची शक्यता आहे. त्याचवेळी बुधवारी पिवळा अलर्ट जारी करताना हवामान खात्याने ताशी २५ते ३५ किमी वेगाने वारे वाहतील. तसेच हलक्या ते मध्यम स्वरूपाच्या पावसाची शक्यता वर्तवली आहे. येत्या २४ तासांत कमाल तापमान २७ तर किमान तापमान ११ अंश सेल्सिअस राहील.