Cricketer Rinku Singh : क्रिकेटपटू रिंकू सिंग अन् खासदार प्रिया सरोज यांचा आज साखरपुडा

By, Pravin Wankhade - June 8, 2025 07:00:27

0

अखिलेश-डिंपलसह ३०० व्हीआयपी पाहुणे; जाणून घ्या सविस्तर माहिती

विशेष प्रतिनिधी

लखनऊ : Cricketer Rinku Singh भारतीय क्रिकेटपटू रिंकू सिंग आणि समाजवादी पक्षाच्या खासदार प्रिया सरोज यांचा आज साखरपुडा आहे. राजकारण आणि क्रिकेटच्या या हायप्रोफाइल कॉकटेलवर रविवारी उत्तर प्रदेशची राजधानी लखनऊमध्ये पहिला अधिकृत शिक्कामोर्तब होणार आहे.Cricketer Rinku Singh

रिंकू सिंग आणि प्रिया सरोज लखनऊमधील एका पंचतारांकित हॉटेलमध्ये एकमेकांना अंगठ्या घालणार आहेत. या खास कार्यक्रमाला राजकारणासह क्रिकेट जगतातील अनेक मोठी मंडळी उपस्थित राहण्याची चर्चा आहे.

ठाकरे बंधू एकत्र; पवार काका अस्वस्थ; शिंदे + अजितदादांना भाजपची सत्ता धरावी लागणार घट्ट!!

आयपीएल संपल्यानंतर, टीम इंडियाचा स्टार फिरकीपटू कुलदीप यादवचाही साखरपुडा देखील त्याच हॉटेमध्ये झाला आहे. आता रिंकू आणि प्रिया सरोज यांचा साखरपुडा होणार आहे. सर्वेश गोयल म्हणाले की, राजकारण आणि क्रिकेटशी जोडलेल्या कुटुंबाच्या साखरपुड्याला अनेक क्रिकेटपटू आणि राजकारणी येणार असल्याची चर्चा आहे.

कुटुंबातील सदस्य, जवळचे मित्र आणि नातेवाईक अंगठी समारंभाला उपस्थित राहतील. यावर्षी १८ नोव्हेंबर रोजी वाराणसीतील हॉटेल ताज येथे पारंपारिक पद्धतीने हा विवाहसोहळा पार पडेल. या विवाह सोहळ्याला क्रिकेट स्टार, बॉलिवूड सेलिब्रिटी, उद्योगपती आणि प्रमुख राजकारण्यांना आमंत्रित करण्याची तयारी सुरू आहे.

मीडिया रिपोर्ट्सनुसार, रिंकू सिंग आणि प्रिया सरोज यांची भेट एका कॉमन मैत्रिणीच्या माध्यमातून झाली. हळूहळू दोघांमधील मैत्री अधिक घट्ट झाली आणि नंतर हे नाते प्रेमात रूपांतरित झाले. प्राप्त माहितीनुसार, लग्न पारंपारिक विधींनुसार होईल. दोघांनी एकमेकांना समजून घेण्यासाठी पुरेसा वेळ घेतला आणि आता ते एका नवीन सुरुवातीसाठी तयार आहेत.