केंद्राचा व्यावसायिकांनाही दिलासा, घरगुती पाठोपाठ कर्मशियल गॅस सिलिंडर 158 रुपयांनी झाला स्वस्त|Center's relief to businessmen too, commercial gas cylinder became cheaper by Rs 158 after household

केंद्राचा व्यावसायिकांनाही दिलासा, घरगुती पाठोपाठ कर्मशियल गॅस सिलिंडर 158 रुपयांनी झाला स्वस्त

वृत्तसंस्था

नवी दिल्ली : तेल कंपन्यांनी आजपासून म्हणजेच 1 सप्टेंबरपासून व्यावसायिक एलपीजी सिलिंडरची (19 किलो) किंमत कमी केली आहे. कंपन्यांनी त्याची किंमत 158 रुपयांनी कमी केली आहे. त्यामुळे दिल्लीत 19 किलोच्या सिलिंडरची किंमत 1680 रुपयांवरून 1522 रुपयांवर आली आहे. तथापि, आज घरगुती एलपीजी सिलिंडरच्या (14.2 किलो) किमतीत कोणताही बदल झालेला नाही.Center’s relief to businessmen too, commercial gas cylinder became cheaper by Rs 158 after household

तर कोलकातामध्ये 19 किलोच्या व्यावसायिक एलपीजी सिलेंडरची किंमत 1802 रुपयांवरून 1636 रुपयांवर घसरली आहे. याशिवाय मुंबईत त्याची किंमत आधी 1640 रुपये होती, जी 1482 रुपयांवर आली आहे. चेन्नईबद्दल बोलायचे झाले तर, आतापर्यंत 1852 रुपयांना मिळणारा व्यावसायिक एलपीजी सिलिंडर आता 1695 रुपयांना मिळणार आहे. यापूर्वी 29 ऑगस्ट रोजी सरकारने घरगुती गॅस सिलिंडर (14.2 किलो) 200 रुपयांनी कमी केले होते.

सिलेंडरचे भाव मोदींनी उतरवले; काँग्रेसच्या पोटातले “गॅस” सुटले!!

व्यावसायिक गॅस सिलिंडरच्या किमतीत सलग दुसऱ्या महिन्यात कपात

IOCL च्या वेबसाइटनुसार, व्यावसायिक गॅस सिलिंडरची किंमत सलग दुसऱ्या महिन्यात कमी करण्यात आली आहे. यापूर्वी 1 ऑगस्ट रोजी व्यावसायिक गॅस सिलिंडरची किंमत 99.75 रुपयांनी कमी करण्यात आली होती. सणासुदीच्या काळात या कपातीचा थेट फायदा हॉटेल-रेस्टॉरंट मालकांना होणार आहे.

14 किलो सिलिंडरची किंमत

दोन दिवसांपूर्वी सरकारने घरगुती गॅस सिलिंडरच्या दरात 200 रुपयांची कपात केली होती. यानंतर 14.2 किलोच्या सिलिंडरची किंमत दिल्लीत 1103 रुपयांवरून 903 रुपये, भोपाळमध्ये 908 रुपये आणि जयपूरमध्ये 906 रुपयांवर आली आहे. 30 ऑगस्टपासून म्हणजेच रक्षाबंधनाच्या दिवसापासून नवीन किमती लागू झाल्या आहेत.