कॅनडाचा सूर बदलला! मोदी तिसऱ्यांदा पंतप्रधान होण्यापूर्वी ट्रुडोंनी केलं होतं 'हे' वक्तव्य Canada's tune has changed Trudeaus statement comes after Modi became the third prime minister

कॅनडाचा सूर बदलला! मोदी तिसऱ्यांदा पंतप्रधान होण्यापूर्वी ट्रुडोंनी केलं होतं ‘हे’ वक्तव्य

विशेष प्रतिनिधी

नवी दिल्ली : नरेंद्र मोदी यांच्या नेतृत्वाखाली देशात पुन्हा एकदा NDAचे सरकार स्थापन होणार आहे. नरेंद्र मोदी ८ जून रोजी पंतप्रधानपदाची शपथ घेणार आहेत. लोकसभा निवडणुकीतील विजयाबद्दल जगातील अनेक देशांनी पंतप्रधान मोदींचे अभिनंदन केले आहे. दरम्यान, कॅनडाचे पंतप्रधान जस्टिन ट्रूडो यांनीही पंतप्रधान मोदींचे अभिनंदन केले आहे. Canada’s tune has changed Trudeaus statement comes after Modi became the third prime minister

पंतप्रधान मोदींचे अभिनंदन करताना, जस्टिन ट्रूडो यांनी सोशल मीडिया हँडल X वर लिहिले, “भारताचे पंतप्रधान नरेंद्र मोदी यांना त्यांच्या निवडणुकीतील विजयाबद्दल अभिनंदन. मानवी हक्क, विविधता आणि कायद्याच्या नियमावर आधारित आपल्या राष्ट्रांतील लोकांमधील संबंध प्रगत करण्यासाठी कॅनडा त्यांच्या सरकारांशी जवळून काम करण्यास उत्सुक आहे.”

काही महिन्यांपूर्वी पीएम ट्रुडो यांनी खलिस्तानी समर्थक हरदीप सिंह निज्जर यांच्या हत्येचा आरोप भारत सरकारच्या एजंटवर केला होता. भारताने कॅनडाचा आरोप निराधार असल्याचे म्हटले होते. या घटनेनंतर दोन्ही देशांमधील संबंध बिघडले.

अमेरिकेचे राष्ट्राध्यक्ष जो बायडेन आणि रशियाचे राष्ट्राध्यक्ष व्लादिमीर पुतिन यांनी बुधवारी फोनवर पंतप्रधान नरेंद्र मोदी यांचे लोकसभा निवडणुकीत विजयाबद्दल हार्दिक अभिनंदन केले. अमेरिकेचे परराष्ट्र मंत्री अँटोनी ब्लिंकन यांनी लोकसभा निवडणुकीतील विजयाबद्दल पंतप्रधान मोदी आणि एनडीएचे अभिनंदन केले.