केंद्र सरकारविरोधात ममता बॅनर्जींच्या लढ्यात भाजप आमदार आले एकत्र, पश्चिम बंगालच्या मागण्यांना पाठिंबा|BJP MLAs came together in Mamata Banerjee's fight against the central government, supporting West Bengal's demands

केंद्र सरकारविरोधात ममता बॅनर्जींच्या लढ्यात भाजप आमदार आले एकत्र, पश्चिम बंगालच्या मागण्यांना पाठिंबा

वृत्तसंस्था

कोलकाता : पश्चिम बंगालच्या मुख्यमंत्री ममता बॅनर्जी आणि केंद्रातील नरेंद्र मोदी सरकार यांच्यातील संघर्ष ही काही नवीन गोष्ट नाही. अनेक कल्याणकारी योजनांतर्गत राज्य सरकारला निधी न दिल्याने आता ममता ब्रिगेडने केंद्रातील भाजपच्या नेतृत्वाखालील सरकारविरोधात एल्गार पुकारला आहे. राज्याचा सत्ताधारी पक्ष तृणमूल काँग्रेसने रविवारी पश्चिम बंगालमध्ये निदर्शने केली. यावेळी पक्षाच्या नेत्यांनी आरोप केला की केंद्राने राज्य भाजप नेत्यांच्या सांगण्यावरून निधी रोखला आहे.BJP MLAs came together in Mamata Banerjee’s fight against the central government, supporting West Bengal’s demands

कोलकाताच्या चेतला भागात आंदोलन करणारे राज्यमंत्री आणि कोलकाताचे महापौर फिरहाद हकीम म्हणाले, “राज्याला आर्थिकदृष्ट्या वंचित करण्याच्या केंद्र सरकारच्या कारस्थानाचा निषेध नोंदवण्यासाठी आम्ही दुपारी 12 ते 4 वाजेपर्यंत आंदोलन करत आहोत. केंद्र राज्याला १,१७,००० कोटी रुपयांची थकबाकी देत नाही. केंद्राने राजकारण करणे थांबवावे आणि राज्याची थकबाकी लवकरात लवकर द्यावी, अशी आमची इच्छा आहे. मणिपूर आणि हरियाणामधील हिंसाचाराचा आम्ही निषेधही नोंदवत आहोत.”

‘अब की बार दिल्ली में INDIA सरकार’; आघाडीतील इतर नेते वगळून ममता बॅनर्जींच्या फोटोसह झळकले पोस्टर्स

दरम्यान, गंगारामपूरचे भाजप आमदार सत्येंद्र नाथ रे दक्षिण दिनाजपूर जिल्ह्यातील टीएमसीच्या निषेधात सामीलच झाले नाहीत तर मागणीला पाठिंबाही दिला. रे म्हणाले, “मी मागणीला पाठिंबा देण्यासाठी येथे आलो आहे कारण मला विश्वास आहे की राज्याला त्याचे हक्क मिळाले पाहिजे. राज्य सरकार आणि केंद्राने एकत्र बसून हे प्रकरण सोडवावे. ही जबाबदारी निवडून आलेल्या सरकारांची आहे.”

मात्र, आंदोलनस्थळी थोडक्यात भाषण करून भाजप आमदार घटनास्थळावरून निघून गेले. भाजप आमदाराच्या या निर्णयाचे टीएमसीने स्वागत केले आहे. फिरहाद हकीम म्हणाले, “आम्ही त्याचे स्वागत करतो. आम्ही जे बोलतोय ते खरे आहे हे त्यांना समजले आहे. असे आणखी नेते येत्या काळात आमच्यासोबत येतील.”

दुसरीकडे, भाजपचे प्रवक्ते समिक भट्टाचार्य यांनी पक्षाच्या आमदाराचे हे कृत्य मनमानी असल्याचे म्हटले आहे. प्रलंबित निधी राज्य सरकारला लवकर द्यावा, अशी आमची इच्छा आहे, हे खरे आहे. ते म्हणाले की, आमचा याला विरोध नाही पण पुढील पैसे मिळण्यासाठी टीएमसीला खर्चाचा तपशील केंद्राला द्यावा लागेल.