रामचरितमानसवरील शिक्षणमंत्री चंद्रशेखर यांच्या वादग्रस्त वक्तव्यावरून राजकारण तापले! Bihar BJP state president Samrat Chaudharys criticism of Chandrashekhars controversial statement on Ramcharitmanas

रामचरितमानसवरील शिक्षणमंत्री चंद्रशेखर यांच्या वादग्रस्त वक्तव्यावरून राजकारण तापले!

बिहार भाजपाचे प्रदेशाध्यक्ष सम्राट चौधरी यांनी मुख्यमंत्री नितीश कुमारांकडे बडतर्फ करण्याची केली मागणी

विशेष प्रतिनिधी

पाटणा : बिहारचे शिक्षणमंत्री चंद्रशेखर यांच्या रामचरितमानसवरील वक्तव्यावर चौफेर टीका होत आहे. बिहार भाजपानेही शिक्षणमंत्र्यांच्या वक्तव्याचा निषेध करत तीव्र प्रतिक्रिया दिली आहे. भाजपाचे प्रदेशाध्यक्ष सम्राट चौधरी यांनी चंद्रशेखर यांच्यावर जोरदार प्रहार करत मुख्यमंत्री नितीश कुमार यांच्याकडे त्यांची हकालपट्टी करण्याची मागणी केली. Bihar BJP state president Samrat Chaudharys criticism of Chandrashekhars controversial statement on Ramcharitmanas

बिहार भाजपाचे प्रदेशाध्यक्ष सम्राट चौधरी यांनी I-N-D-I-A आघाडीवर प्रश्न उपस्थित करत म्हटले आहे की, अहंकारी I-N-D-I-A आघाडीची ही एक विचारी रणनीती आहे आणि या अंतर्गत भगवान श्री राम आणि श्री रामचरितमानस यांचा अपमान करण्यात आला आहे. ते पुढे म्हणाले की, मुख्यमंत्री नितीश कुमार यांनी सनातन धर्म आणि श्री रामचरितमानस यांचा अवमान करणाऱ्या शिक्षणमंत्र्यांना तत्काळ बडतर्फ करावे.

सम्राट चौधरी म्हणाले की, कोट्यवधी हिंदू लोक त्यांच्या पूज्य धर्मग्रंथांचा आणि त्यांच्या दैनंदिन उपासकांचा अपमान कदापि सहन करणार नाहीत. येत्या निवडणुकीत जनता चंद्रशेखर आणि अहंकारी आघाडीला जागा दाखवेल. मतांसाठी तुष्टीकरणाचे राजकारण यापुढे चालणार नाही, याची जाणीव करून दिली जाईल.

चंद्रशेखर यांचे वादग्रस्त वक्तव्य नेमके काय? –

हिंदी दिनानिमित्त बिहार हिंदी ग्रंथ अकादमीच्या कार्यक्रमाला संबोधित करताना शिक्षण मंत्री चंद्रशेखर म्हणाले होते की, “रामचरितमानसमध्ये पोटॅशियम सायनाइड आहे, जोपर्यंत ते अस्तित्वात आहे तोपर्यंत आम्ही त्याला विरोध करत राहू.”