Bengal ration distribution scam : बंगाल रेशन वितरण घोटाळ्यात EDची पुन्हा कारवाई, तृणमूल नेता आणि त्याच्या भावाला अटक!

By, Pravin Wankhade - August 2, 2024 03:00:58

0

सुमारे 14 तास चौकशी केल्यानंतर अटक केली, पोलीस कोठडी सुनावण्यात आली आहे.

विशेष प्रतिनिधी

कोलकाता : ईडीने बंगालच्या उत्तर 24 परगणा जिल्ह्यातील देगंगा येथून तृणमूल काँग्रेसच्या एका नेत्याला आणि त्याच्या भावाला कोट्यवधी रुपयांच्या रेशन वितरण घोटाळ्यात सहभागी झाल्याबद्दल अटक केली आहे. एका अधिकाऱ्याने शुक्रवारी ही माहिती दिली.

अधिकाऱ्याने सांगितले की, केंद्रीय तपास संस्थेने तृणमूल काँग्रेसचे देगंगा ब्लॉक अध्यक्ष अनिसूर रहमान आणि त्यांचा मोठा भाऊ अलीफ नूर उर्फ मुकुल रहमान यांना गुरुवारी रात्री उशिरा त्यांच्या कोलकाता कार्यालयात सुमारे 14 तास चौकशी केल्यानंतर अटक केली. ते म्हणाले की, रेहमान आणि त्याच्या भावाला वैद्यकीय तपासणीनंतर न्यायालयात हजर करण्यात आले, तेथून त्यांना पोलीस कोठडी सुनावण्यात आली.

विधानसभा निवडणुकीत मनोज जरांगेंची उडी, 7 ऑगस्टपासून स्वीकारणार विधानसभा इच्छुकांचे अर्ज

रहमान हे राज्याचे माजी वन आणि अन्न मंत्री ज्योतप्रिया मल्लिक यांच्या जवळचे आहेत. केंद्रीय अन्वेषण यंत्रणेने या घोटाळ्याप्रकरणी माजी मंत्र्याला यापूर्वीच अटक केली आहे. याशिवाय या घोटाळ्यात माजी मंत्र्याच्या निकटवर्तीय बकीबुर रहमानलाही अटक करण्यात आली आहे.

ईडीच्या अधिकाऱ्यांनी राईस मिलचे मालक आणि माजी मंत्र्याचे आणखी एक जवळचे सहकारी बारिक बिस्वास यांना चौकशीसाठी कार्यालयात हजर राहण्यासाठी समन्स बजावले आहे. ईडीने मंगळवारी बिस्वास यांच्या निवासस्थानावर आणि राईस मिलवर छापे टाकून यूएईमधील मालमत्तेतील गुंतवणुकीशी संबंधित 20 लाख रुपये रोख आणि काही कागदपत्रे जप्त केली होती.