मैदानात घुसून ऑस्ट्रेलियन चाहत्याची विराट कोहलीला मिठी, वेन जॉन्सनला खलिस्तानी अतिरेकी संघटना देणार 10 हजार डॉलर्सचे बक्षीस

By, Pravin Wankhade - November 20, 2023 11:00:52

0

वृत्तसंस्था

अहमदाबाद : अहमदाबादच्या नरेंद्र मोदी स्टेडियमवर रविवारी झालेल्या क्रिकेट विश्वचषकाच्या फायनलमध्ये सुरक्षेतील त्रुटींचा मुद्दा चांगलाच तापला आहे. सायंकाळी उशिरा आरोपी ऑस्ट्रेलियन नागरिकाविरुद्ध चांदखेडा पोलीस ठाण्यात एफआयआर दाखल करण्यात आला आहे. हा तरुण विराट कोहलीपर्यंत पोहोचला होता. त्याच्या टी-शर्टवर ‘फ्री पॅलेस्टाईन’ असे लिहिले होते. आता प्रतिबंधित खलिस्तानी दहशतवादी संघटना शीख फॉर जस्टिसने या प्रकरणात प्रवेश केला आहे.Australian fan hugs Virat Kohli after entering the field, Wayne Johnson to be given 10 thousand dollars reward by Khalistani extremist organization

विश्वचषक फायनल दरम्यान सुरक्षेत मोठी त्रुटी दिसून आली. एका पॅलेस्टाईन समर्थकाने अचानक मैदानात घुसून विराट कोहलीच्या जवळ जाऊन त्याला मागून पकडले. वेन जॉन्सन असे या तरुणाचे नाव असून तो ऑस्ट्रेलियाचा रहिवासी असल्याचे सांगण्यात आले. जॉन्सन ‘फ्री पॅलेस्टाईन’ टी-शर्ट घालून मैदानावर पोहोचला. त्याच्यावर गुन्हा दाखल करण्यात आला आहे. जॉन्सन म्हणाला की, मी ऑस्ट्रेलियाचा आहे. विराट कोहलीला भेटण्यासाठी मी मैदानावर पोहोचलो होतो. हा निषेध पॅलेस्टाईनमधील युद्धाबाबत आहे.

हिंदी दिनानिमित्त ऑस्ट्रेलियन उच्चायुक्तांकडून हिंदीतून शुभेच्छा; कर्मचार्‍यांनी कबिरांचे दोहे, म्हणीही म्हटल्या

‘जॉन्सनला 10,000 रुपयांचे बक्षीस देणार’

SFJ प्रमुख गुरपतवंत सिंग पन्नू याने ऑस्ट्रेलियन नागरिक वेन जॉन्सनला 10 हजार डॉलर्सचे बक्षीस जाहीर केले आहे. एका व्हिडिओमध्ये पन्नूने भारताविरुद्ध विषही ओकले असून खलिस्तानचे समर्थन केले आहे. तो म्हणाला की, मैदानावर पोहोचून जॉन्सनने गाझा आणि पॅलेस्टाईनबाबत भारताची भूमिका उघड केली आहे. यासाठी SJI ने जॉन्सनला 10 हजार डॉलर्सचे बक्षीस जाहीर केले आहे. आम्ही जॉन्सनच्या पाठीशी उभे आहोत. खलिस्तान आणि पॅलेस्टाईनच्या समर्थनार्थ त्याने घोषणाबाजीही केली.

अंतिम सामन्यापूर्वी पन्नूने व्हिडीओ जारी केला

यापूर्वी, एसएफजे प्रमुख गुरपतवंत सिंग पन्नू याने अहमदाबादमध्ये वर्ल्ड कप फायनल ‘बंद’ करण्याची धमकी दिली होती. अंतिम सामना उधळून लावण्यासाठी त्याने धमकीचा व्हिडिओ जारी केला होता. या व्हिडिओमध्ये पन्नूने 1984 च्या शीख विरोधी दंगली आणि 2002 च्या गुजरात दंगलीचा उल्लेख केला आणि मुस्लिम आणि ख्रिश्चन समुदायांना भडकवण्याचाही प्रयत्न केला. तो इस्रायल-हमास युद्धाबाबत भारताच्या भूमिकेबद्दल बोलतानाही ऐकू येते.

पॅलेस्टाईन समर्थकाकडून सुरक्षेचे उल्लंघन

अहमदाबाद पोलिसांनी सांगितले की, 24 वर्षीय वेन जॉन्सनवर सार्वजनिक सेवकांच्या कर्तव्यात अडथळा आणल्याप्रकरणी गुन्हा दाखल करण्यात आला आहे. त्याला ताब्यात घेऊन चांदखेडा पोलीस ठाण्यात नेण्यात आले आहे. ड्रिंक्स सुरू होण्यापूर्वी ही घटना घडली. सुरक्षा कर्मचाऱ्यांनी त्या व्यक्तीला तत्काळ पकडले. चांदखेडा पोलीस ठाण्याचे निरीक्षक विराज जडेजा यांनी सांगितले की, वेन जॉन्सन असे ऑस्ट्रेलियन नागरिकाचे नाव आहे. जॉन्सनने पॅलेस्टाईन ध्वजाच्या डिझाइनसह फेस मास्क घातला होता. एक टी-शर्ट घातला होता ज्यावर समोर आणि मागे ‘पॅलेस्टाईन बॉम्बिंग बंद करा’ आणि ‘पॅलेस्टाईन वाचवा’ अशा घोषणा लिहिलेल्या होत्या.

आयसीसी क्रिकेट नियमांनुसार, खेळादरम्यान कोणत्याही राजकीय घोषणाबाजीला परवानगी नाही आणि भारतातही अशा प्रकारच्या कृतीला परवानगी नाही. पोलिस म्हणाले, जॉन्सन हा एक गुन्हेगार असल्याचे प्राथमिक तपासात समोर आले असून त्याच्यावर यापूर्वी त्याच्या देशात खेळाच्या मैदानावर हल्ला केल्याप्रकरणी गुन्हा दाखल करण्यात आला आहे. पोलिसांनी सांगितले की, जॉन्सनने आम्हाला सांगितले की तो विराट कोहलीचा चाहता आहे आणि सामन्यादरम्यान त्याला भेटायचे होते. त्याने पॅलेस्टाईन समर्थक टी-शर्ट घातला होता. कोहलीला भेटणे हा त्याचा मुख्य उद्देश होता. संध्याकाळी एफआयआर नोंदवल्यानंतर जॉन्सनला ताब्यात घेण्यात आले.