मणिपूरमध्ये विधानसभा मतदान सुरू

By, Sachin Deshmukh - February 28, 2022 10:15:26

0

विशेष प्रतिनिधी

इंफाळ : मणिपूरमध्ये सोमवारी पहिल्या टप्प्यात पाच जिल्ह्यांतील ३८ जागांवर मतदान होणार आहे. यामध्ये इम्फाळ पूर्व, इंफाळ पश्चिम, बिशनपूर, चुराचंदपूर आणि कांगपोकपी जिल्ह्यांचा समावेश आहे. या जागांवर १५ महिलांसह १७३ उमेदवार आपले नशीब आजमावत आहेत. Assembly polls begin in Manipur

यापैकी ३९ उमेदवार गुन्हेगारी पार्श्वभूमीचे असल्याचे राज्याचे मुख्य निवडणूक अधिकारी राजेश अग्रवाल यांनी सांगितले. या टप्प्यात १२ लाखांहून अधिक मतदार मतदानाचा हक्क बजावणार आहेत. यामध्ये ५.८० लाख पुरुष तर ६.२८ लाख महिला मतदार आहेत. त्यांच्यासाठी १७२१ मतदान केंद्रे उभारण्यात आली आहेत.

ड्रग्ज माफियांविरुध्द लढणारी सुपरकॉप निवडणुकीच्या रिंगणात, मणिपूरमध्ये सर्वाधिक चर्चेची जागा

अग्रवाल यांनी सांगितले की, मतदान सकाळी ७ वाजता सुरू झाले. ते दुपारी ४ वाजेपर्यंत चालणार आहे. कोरोना बाधित आणि क्वारंटाईनमध्ये राहणाऱ्या लोकांच्या मतदानासाठी दुपारी ३ ते ४ वाजेची वेळ निश्चित करण्यात आली आहे.