अमृतपाल सिंगने खडूर साहिब मतदारसंघाचे खासदार म्हणून घेतली शपथ!

By, Pravin Wankhade - July 5, 2024 07:00:45

0

दिब्रुगड तुरुंगातून कडेकोट बंदोबस्तात नवी दिल्लीत आणले गेले.

विशेष प्रतिनिधी

नवी दिल्ली : कट्टरपंथी शीख धर्मोपदेशक अमृतपाल सिंग हे आता खडूर साहिबचे खासदार आहेत. तुरुंगात असलेल्या अमृतपालला आज खासदार म्हणून शपथ घेण्यासाठी पॅरोल मंजूर करण्यात आला आहे.Amritpal Singh took oath as MP of Khadoor Sahib constituency

खलिस्तानी समर्थक अमृतपाल यांनी नवी दिल्लीत खासदारपदाची शपथ घेतली आहे. खडूर साहिब मतदारसंघाच्या खासदाराला आसाममधील दिब्रुगड तुरुंगातून सुरक्षेत नवी दिल्लीत आणण्यात आले. अमृतपाल यांनी सभापती ओम बिर्ला यांच्यासमोर लोकसभा सदस्य म्हणून शपथ घेतली.

खासदार अमृतपाल सिंग शपथविधीसाठी तुरुंगातून बाहेर येणार? कुटुंबीयांनी पॅरोलसाठी दाखल केला अर्ज

अमृतपालचे वडील तरसेम सिंग यांचेही वक्तव्य समोर आले आहे. ते म्हणाले की, खडूर साहिबच्या मतदारांसाठी आणि जगभरात राहणाऱ्या पंजाबींसाठी ही आनंदाची बाब आहे. ते खासदार होतील की नाही, अशी चर्चा होती, मात्र आज याला पूर्णविराम दिला जाणार आहे.

पंजाब दे वारिसचे प्रमुख अमृतपाल सिंग यांना विमानाने आसामहून दिल्लीत आणण्यात आले. पॅरोल कालावधीत अमृतपालवर अनेक निर्बंध लादण्यात आले आहेत. कोणतेही विधान करण्यास मनाई आहे. या कालावधीत अमृतपाल त्याच्या कुटुंबीयांना भेटू शकतो, परंतु कोणत्याही प्रकारचे व्हिडिओ बनवण्यास किंवा छायाचित्रे काढण्यास बंदी आहे. खासदार अमृतपाल सिंग यांना ५ जून ते ९ जूनपर्यंत पॅरोल मंजूर करण्यात आला आहे. या काळात ते खडूर साहिबला जाऊ शकत नाहीत. खासदाराला दिल्लीतच राहावे लागेल. लोकसभा सचिवांनीच त्यांचे राहण्याचे ठिकाण ठरवले आहे.