तिसऱ्यांदा पंतप्रधान बनल्यानंतर मोदी पहिल्यांदाच वाराणसीत!

By, Pravin Pawar - June 18, 2024 08:30:37

0

देशाला देणार ही मोठी भेट, जाणून घ्या काय असणार वेळापत्रक

विशेष प्रतिनिधी

नवी दिल्ली: पंतप्रधान नरेंद्र मोदी आज त्यांचा लोकसभा मतदारसंघ वाराणसी येथे पोहोचणार आहेत. 2024 च्या लोकसभा निवडणुकीचे निकाल जाहीर झाल्यानंतर पंतप्रधान मोदींचा हा दौरा होत आहे. मोदींचा हा दौरा पूर्णपणे शेतकऱ्यांना समर्पित असल्याचे सांगितले जात आहे, त्यासाठी ते मंगळवारी संध्याकाळी साडेचार वाजता वाराणसी विमानतळावर पोहोचतील. तेथून ते हेलिकॉप्टरने मेहदीगंज सभेच्या ठिकाणी पोहोचतील. येथे ते शेतकऱ्यांशी संवाद साधणार असून 21 प्रगतीशील शेतकऱ्यांचीही भेट घेणार आहेत.After becoming the Prime Minister for the third time, Modi is in Varanasi for the first time

मोदींचा दोन दिवस उत्तर प्रदेश आणि बिहारचा दौरा करणार!

यासोबतच मोदी मेहदीगंजमध्ये आयोजित किसान संवाद कार्यक्रमात देशातील 9 कोटींहून अधिक शेतकऱ्यांच्या खात्यात DBT अंतर्गत 20 हजार कोटींहून अधिक रुपयांचा PM किसान सन्मान निधीचा 17 वा हप्ता जारी करतील. या काळात मोदी शेतकरी आणि महिला गटांना 300 घरे देणार आहेत आणि सेंद्रिय शेती करणाऱ्या 167 किसान सखींना प्रमाणपत्रही देणार आहेत.

यानंतर मोदी मेहदीगंज येथून पोलीस लाईनला पोहोचतील, तेथून ते रस्त्याने विश्वनाथ मंदिर आणि काल भैरव मंदिरात जातील. हा एक प्रकारचा मिनी रोड शो असेल, ज्यासाठी संपूर्ण मार्गावर मोदींच्या स्वागताची जय्यत तयारी करण्यात आली आहे.

दुसरीकडे, पंतप्रधान मोदींच्या आगमनाबाबत वाराणसीतील लोकांमध्ये प्रचंड उत्साह आहे. याचेच चित्र वाराणसीतील नमो घाटावर पाहायला मिळाले, जिथे एका विद्यार्थ्याने वाळूच्या ढिगाऱ्यातून मोदींचे सुंदर चित्र तयार केले आहे आणि त्यात अनेक रंग भरले आहेत.