पश्चिम बंगालमधील झारग्राममध्ये भाजप उमेदवारावर जीवघेणा हल्ला

By, Pravin Wankhade - May 26, 2024 07:00:54

0

तृणमूल काँग्रेवसर भाजपने आरोप केला आहे.

विशेष प्रतिनिधी

कोलकाता : लोकसभा निवडणूक 2024 अंतर्गत काल देशभरातील 8 राज्यांमधील 58 जागांवर मतदान पार पडले. बंगालमधील 8 जागांवर मतदान झाले. दरम्यान, झारग्राममधील मोंगलापोटा येथे भाजपचे उमेदवार प्रणत तुडू यांच्यावर जीवघेणा हल्ला करण्यात आला. या घटनेचा व्हिडिओही समोर आला आहे.A BJP candidate was fatally attacked in Jhargram West Bengal

मिळालेल्या माहितीनुसार, प्रणत तुडू यांच्यावर हा हल्ला दगड, विटांनी करण्यात आला. त्यांच्या सुरक्षेसाठी तैनात असलेले जवानही मोठ्या कष्टाने जीव वाचवत तेथून त्यांना घेऊन निघू शकले. या हल्ल्याबाबत त्यांनी ममता सरकारवर आरोप केले आहेत.

पश्चिम बंगालमधील संदेशखळीमध्ये पुन्हा तणावाचे वातावरण!

हल्ल्यानंतर भाजपचे उमेदवार प्रणत तुडू यांनी सांगितले की, पश्चिम मिदनापूरमधील गढबेटा येथे त्यांच्या ताफ्यावर हल्ला झाला. या हल्ल्यात माझ्यासोबत असलेले सुरक्षा कर्मचारीही जखमी झाले आहेत. त्यांनाही रुग्णालयात दाखल करावे लागले. मिळालेल्या माहितीनुसार, तुडू हे भाजपच्या एजंटांना मतदान केंद्रात प्रवेश न दिल्याने गरबेताला जात असताना ही घटना घडली. हल्ल्यानंतर पोलिसांचा ताफा परिसरात पाठवण्यात आला.

वृत्तसंस्थेशी बोलताना तुडू म्हणाले की, टीएमसीच्या गुंडांनी माझ्या गाडीवर विटा फेकायला सुरुवात केली आणि रस्ते अडवले. यानंतर माझ्या सुरक्षा कर्मचाऱ्यांनी मध्यस्थी करण्याचा प्रयत्न केला असता त्यांनाही दुखापत झाली. तथापि, टीएमसीने शांततापूर्ण मतदान प्रक्रियेत व्यत्यय आणत असल्याचे सांगत भाजप उमेदवाराच्या आरोपांवर प्रत्युत्तर दिले. ते लोकांना धमकावत होते, त्यामुळे ग्रामस्थ संतप्त झाले, असं म्हटलं आहे.