Ayushman Bharat Yojana : मोठी बातमी! आयुष्मान भारत योजनेबाबत मोठी अपडेट, ‘हा’ बदल होणार

By, Pravin Pawar - September 13, 2024 04:36:40

0

या बदलामुळे जास्तीत जास्त लोकांना आता याचा फायदा होणार आहे.

विशेष प्रतिनिधी

नवी दिल्ली : आजकाल केंद्र आणि राज्य सरकार समाजातील प्रत्येक घटकासाठी कोणत्या ना कोणत्या योजना आणत आहेत. आता ज्या योजनेबाबत तुम्ही वाचणार आहात आहे ती प्रत्यक्षात जुनी आहे. मात्र केंद्रातील मोदी सरकारने त्यात मोठी सुधारणा केली आहे. सुधारणेनंतर, 70 वर्षांपेक्षा जास्त वयाच्या लोकांना देखील योजनेचा लाभ घेता येईल.
होय, आपण केंद्र सरकारची महत्त्वाकांक्षी योजना आयुष्मान भारत कार्डबद्दल ( Ayushman Bharat Yojana ) बोलत आहोत. आतापर्यंत फक्त ७० वर्षांपर्यंतच्या लोकच या सुविधेचा लाभ मिळत होता. मात्र आता ७० वर्षांनंतरच्या लोकांनाही या योजनेत समाविष्ट करण्याचा सरकारचा विचार आहे. याचा अर्थ असा की तुम्ही आयुष्यभर या सुविधेचा लाभ घेऊ शकता आणि योजनेअंतर्गत तुमचे उपचार करू शकता.

Bhagyashree Atram : अजित पवार यांनी मला ज्ञान शिकवू नये, भाग्यश्री आत्राम यांनी थेटच सुनावले

आज देशातील करोडो लोक आयुष्मान भारत योजनेत सहभागी होऊन लाभ घेत आहेत. ताज्या बातम्यांनुसार, आता आयुष्मान भारत योजनेत 70 वर्षे किंवा त्याहून अधिक वयाच्या ज्येष्ठ नागरिकांचा समावेश केला जात आहे. या योजनेंतर्गत, कोणत्याही कार्डधारकाला प्रतिवर्षी 5 लाख रुपयांच्या मोफत उपचारांचा लाभ घेता येईल. याशिवाय, या नागरिकांना दरवर्षी 5 लाख रुपयांचे अतिरिक्त टॉप-अप कव्हर स्वतःसाठी मिळेल आणि त्यांना ते त्यांच्या कुटुंबासह सामायिक करावे लागणार नाही. सध्या आयुष्मान योजनेत फक्त 70 वर्षांपर्यंतच्या लोकांनाच ठेवले जात होते. याशिवाय, यापूर्वी केवळ असंघटित क्षेत्रात काम करणारे, निराधार किंवा आदिवासी लोकांनाच या योजनेचा भाग बनवण्यात आले होते.

तुमचे वय ७० वर्षे किंवा त्याहून अधिक असल्यास किंवा तुम्ही योजनेसाठी पात्र असाल तर अशा परिस्थितीत तुम्ही आयुष्मान कार्ड बनवू शकता. यासाठी सर्वप्रथम तुम्हाला तुमच्या जवळच्या सार्वजनिक सेवा केंद्रात जावे लागेल. तसेच येथे जाऊन संबंधित अधिकाऱ्याला भेटावे लागेल. तुम्हाला तुमची कागदपत्रे जमा करायची आहेत. यानंतर विभागीय अधिकारी तुमची कागदपत्रे तपासतात. त्यानंतर तुम्हाला पुढील प्रक्रियेसाठी मार्गदर्शन केले जाते