छत्तीसगडमध्ये पिकअप उलटून 18 ठार; मृतांमध्ये आई-मुलीसह 16 महिला, सर्व आदिवासी|18 killed in pickup overturn in Chhattisgarh; The dead included 16 women, all tribals, including a mother and daughter

छत्तीसगडमध्ये पिकअप उलटून 18 ठार; मृतांमध्ये आई-मुलीसह 16 महिला, सर्व आदिवासी

वृत्तसंस्था

रायपूर : छत्तीसगडमधील कवर्धा येथे सोमवारी (20 मे) भरधाव वेगात असलेली पिकअप पलटी होऊन 20 फूट खोल खड्ड्यात पडली. या अपघातात 18 जणांचा मृत्यू झाला असून 8 हून अधिक जण जखमी झाले आहेत. यापैकी 4 जणांना दुसऱ्या रुग्णालयात पाठवण्यात आले आहेत. सर्व आदिवासी समाजातील आहेत. कुकडूर पोलीस स्टेशन हद्दीतील बहपनी गावाजवळ हा अपघात झाला.18 killed in pickup overturn in Chhattisgarh; The dead included 16 women, all tribals, including a mother and daughter

एसपी अभिषेक पल्लव यांनी सांगितले की, मृतांमध्ये 16 महिलांचा समावेश आहे. यामध्ये आई आणि मुलीसह तीन मुलींचा समावेश आहे. जखमींना रुग्णवाहिकेने रुग्णालयात पाठवण्यात आले आहे. अपघातावेळी पिकअपमध्ये 25 जण प्रवास करत होते. तेंदूपत्ता तोडून सर्वजण गावाकडे परतत होते. हा अपघात इतका भीषण होता की 13 जणांचा जागीच मृत्यू झाला.

बाबा रामदेव यांची सुप्रीम कोर्टात याचिका; बिहार-छत्तीसगडमध्ये नोंदवलेल्या FIRवर कारवाई करू नये

पोलिसांच्या दाव्याच्या विरोधात, गावकऱ्यांचे म्हणणे आहे की अपघाताच्या वेळी पिकअपमध्ये 30 ते 35 लोक प्रवास करत होते. ब्रेक फेल झाल्याने अपघात झाल्याची शक्यता आहे.

वाहनातील सर्व लोक पिकअपमधून सेमहरा गावाकडे निघाले होते, असे सांगण्यात येत आहे. यानंतर दुपारी दोनच्या सुमारास ते गावाकडे परतत होते. याआधी रविवारी रात्रीही कोतवाली परिसरातील सिंघनपुरी गावाजवळ पोलिसांच्या तीन वाहनांना एका ट्रकची धडक बसून अपघात झाला होता. यात एका कॉन्स्टेबलचा जागीच मृत्यू झाला, तर चालकासह चार पोलिस जखमी झाले.

मुख्यमंत्री आणि इतर नेत्यांनी या अपघातावर शोक व्यक्त केला

अपघाताबाबत उपमुख्यमंत्री अरुण साओ म्हणाले की, वाहनाचा ब्रेक निकामी झाल्यामुळे ते नियंत्रणाबाहेर गेल्याची प्राथमिक माहिती आहे. सविस्तर माहिती काही वेळाने कळेल. प्रशासनाचे पथक घटनास्थळी पोहोचले असून, तपासानंतरच अपघाताचे कारण समजेल, असे ते म्हणाले. प्रशासन जखमींना सर्वतोपरी मदत करत आहे.