केजरीवालांच्या जामिनासाठी 150 वकील सरसावले, थेट भारताच्या सरन्यायाधीशांनाच लिहिले पत्र|150 lawyers mobilized for Kejriwal's bail, wrote a letter directly to the Chief Justice of India

केजरीवालांच्या जामिनासाठी 150 वकील सरसावले, थेट भारताच्या सरन्यायाधीशांनाच लिहिले पत्र

वृत्तसंस्था

नवी दिल्ली : दिल्ली उच्च न्यायालय आणि जिल्हा न्यायालयांच्या 150 वकिलांनी भारताचे मुख्य न्यायाधीश डीवाय चंद्रचूड यांना पत्र लिहून दिल्लीचे मुख्यमंत्री अरविंद केजरीवाल यांचा जामीन रोखल्याबद्दल चिंता व्यक्त केली आहे. त्यांच्या पत्रात वकिलांनी याचे वर्णन ‘अनोखी परंपरा’ असे केले आहे. भारतीय न्यायव्यवस्थेच्या इतिहासात अशी घटना यापूर्वी कधीही पाहिली नव्हती.150 lawyers mobilized for Kejriwal’s bail, wrote a letter directly to the Chief Justice of India

केजरीवालांच्या जामिनावर दिल्ली कोर्टाने म्हटले- प्रचार तर जोरदार केला; मधुमेह हा गंभीर आजार नाही

9 पानी पत्रात वकिलांनी म्हटले आहे की, ट्रायल कोर्टाने केजरीवाल यांना जामीन मंजूर केला होता, परंतु ईडीने या निर्णयाला उच्च न्यायालयात आव्हान दिले आणि उच्च न्यायालयाने जामीन आदेशाला स्थगिती दिली. हे पत्र या आठवड्याच्या सुरुवातीला सरन्यायाधीशांना पाठवण्यात आले होते. पत्र लिहिणाऱ्या वकिलांमध्ये आम आदमी पार्टीच्या लीगल सेलच्या अनेक वकिलांचाही समावेश आहे.

वकील म्हणाले- उच्च न्यायालयाच्या न्यायमूर्तींची वृत्ती चिंताजनक

या पत्रात वकिलांनी लिहिले आहे की, राऊस एव्हेन्यू न्यायालयाचा जामीन आदेशही अपलोड करण्यात आला नव्हता, त्यापूर्वीच ईडीने दिल्ली उच्च न्यायालयात जामीनाविरोधात याचिका दाखल केली होती आणि त्यावर सुनावणीही झाली होती.

त्यामुळे जामीन आदेश वेबसाईटवर प्रसिद्ध न करता, न्यायमूर्ती सुधीर कुमार जैन यांनी या आदेशाविरोधात याचिका दाखल करण्याची परवानगी कशी दिली आणि जामीन आदेशाला स्थगिती कशी दिली, असा प्रश्न निर्माण होतो. भारतीय न्यायव्यवस्थेच्या इतिहासात अशा गोष्टी यापूर्वी कधीही दिसल्या नाहीत. त्यामुळे वकील बंधूंच्या मनात तीव्र चिंता निर्माण झाली आहे.