वसुली प्रकरणात मुंबई पोलिसांचे परमबीर सिंग यांना पुन्हा समन्स, 12 ऑक्टोबर रोजी हजर राहण्यास सांगितले, परमबीर अद्यापही बेपत्ता

मुंबई पोलिसांनी शनिवारी भारतीय पोलीस सेवा (आयपीएस) अधिकारी परमबीर सिंग यांच्या निवासस्थानाबाहेर नोटीस चिकटवली. त्यांना खंडणी प्रकरणात 12 ऑक्टोबरला हजर राहण्यास सांगितले आहे. एका अधिकाऱ्याने ही माहिती दिली. अलीकडेच, महाराष्ट्राचे गृहमंत्री दिलीप वळसे पाटील म्हणाले की, मुंबईचे माजी पोलीस आयुक्त देश सोडून गेल्याच्या बातम्या आहेत, पण याबाबत अधिकृत माहिती नाही. सिंग यांच्यावर राज्यात किमान पाच गुन्हे दाखल आहेत. Mumbai police Summons parambir singh to appear on october 12 in extortion case


वृत्तसंस्था

मुंबई : मुंबई पोलिसांनी शनिवारी भारतीय पोलीस सेवा (आयपीएस) अधिकारी परमबीर सिंग यांच्या निवासस्थानाबाहेर नोटीस चिकटवली. त्यांना खंडणी प्रकरणात 12 ऑक्टोबरला हजर राहण्यास सांगितले आहे. एका अधिकाऱ्याने ही माहिती दिली. अलीकडेच, महाराष्ट्राचे गृहमंत्री दिलीप वळसे पाटील म्हणाले की, मुंबईचे माजी पोलीस आयुक्त देश सोडून गेल्याच्या बातम्या आहेत, पण याबाबत अधिकृत माहिती नाही. सिंग यांच्यावर राज्यात किमान पाच गुन्हे दाखल आहेत.

मुंबई पोलिसांची गुन्हे शाखा गोरेगाव येथील उपनगरामध्ये सिंह यांच्याविरोधात दाखल करण्यात आलेल्या खंडणी प्रकरणाचा तपास करत आहे आणि त्यांची चौकशी करायची आहे, असे अधिकाऱ्याने सांगितले. पोलिसांचे एक पथक सिंग यांच्या मलबार हिल भागातील नीलिमा भवन येथील फ्लॅटवर गेले आणि तेथे ते नसल्याने नोटीस चिकटवली, असे अधिकाऱ्याने सांगितले.



या पोलिसांवरही आरोप

बिल्डर कम हॉटेल व्यावसायिक बिमल अग्रवाल यांच्या तक्रारीवरून गोरेगाव पोलीस ठाण्यात गुन्हा दाखल करण्यात आला. सिंह यांच्याव्यतिरिक्त बडतर्फ केलेले पोलीस अधिकारी सचिन वाझे, सुमित सिंग ऊर्फ ​​चिंटू, अल्पेश पटेल, विनय सिंग ऊर्फ ​​बबलू आणि रियाज भाटी यांना एफआयआरमध्ये आरोपी बनवण्यात आले आहे.

परमबीर यांची झाली होती उचलबांगडी

उद्योगपती मुकेश अंबानी यांच्या दक्षिण मुंबई निवासस्थानाजवळ सापडलेल्या स्फोटकांनी भरलेल्या एसयूव्हीच्या संदर्भात सचिन वाझेला अटक केल्यानंतर परमबीर सिंह यांना मुंबई पोलीस प्रमुख पदावरून काढून टाकण्यात आले आणि त्यांची होमगार्डमध्ये बदली करण्यात आली. या SUVमध्ये स्फोटक साहित्य ठेवण्यात आले होते.

सिंग यांनी नंतर आरोप केला की, राज्याचे तत्कालीन गृहमंत्री अनिल देशमुख यांनी वाजे यांना मुंबईतील हॉटेल्स आणि बारमधून दरमहा 100 कोटी रुपये वसूल करण्यास सांगितले होते. देशमुख यांनी हा आरोप फेटाळला होता. दरम्यान, देशमुख यांचीही याप्रकरणी चौकशी सुरू आहे. तथापि, अद्यापही तेही तपास संस्थांपुढे हजर झालेले नाहीत.

Mumbai police Summons parambir singh to appear on october 12 in extortion case

महत्त्वाच्या बातम्या