मुंबईकरांसाठी आनंदाची बातमी : म्हाडा काढणार तब्बल ३ हजार १५ घरांची लॉटरी, २२ ते २५ लाखांना मिळणार स्वप्नातील घर


मुंबईत स्वतःचे हक्काचे घर असावे अशी प्रत्येक सामान्य मुंबईकराची इच्छा असते. मुंबई कुणाला उपाशी झोपत नाही असं म्हणतात. सर्वांना काम करायला लावते. त्यांच्या कामाची किंमत देते. इथे सर्वात मोठी चिंता उदरनिर्वाहाची नसून त्याच्या स्वप्नातील घराची आहे. आता हजारो मुंबईकरांचे हे स्वप्न साकार होणार आहे. म्हाडा मुंबईतील सर्वसामान्यांना 22 ते 25 लाख रुपयांमध्ये फ्लॅट देणार आहे.  Good news for Mumbaikars: MHADA will draw lottery of 3,015 houses, 22 to 25 lakhs will get dream house


वृत्तसंस्था

मुंबई : मुंबईत स्वतःचे हक्काचे घर असावे अशी प्रत्येक सामान्य मुंबईकराची इच्छा असते. मुंबई कुणाला उपाशी झोपत नाही असं म्हणतात. सर्वांना काम करायला लावते. त्यांच्या कामाची किंमत देते. इथे सर्वात मोठी चिंता उदरनिर्वाहाची नसून त्याच्या स्वप्नातील घराची आहे. आता हजारो मुंबईकरांचे हे स्वप्न साकार होणार आहे. म्हाडा मुंबईतील सर्वसामान्यांना 22 ते 25 लाख रुपयांमध्ये फ्लॅट देणार आहे. एकूण 3 हजार 15 सदनिकांसाठी लॉटरी काढण्यात येणार आहे. लवकरच या घरांची लॉटरी निघून ऑक्टोबरमध्ये काम पूर्ण होईल. 70 टक्के बांधकाम पूर्ण झाले आहे. मुंबईकर म्हाडाच्या लॉटरीची वाट पाहतात कारण या लॉटरीत बाजारापेक्षा खूपच कमी दरात घरे मिळतात.



गृहनिर्माण मंत्री जितेंद्र आव्हाड यांनी दिलेल्या माहितीनुसार, मुंबईतील गोरेगावसारख्या महत्त्वाच्या भागात ही घरे दिली जाणार आहेत. एकूण 3 हजार 15 घरांपैकी 1 हजार 947 घरे गरिबांसाठी राखीव असतील. कमी उत्पन्न असणाऱ्यांसाठी ७३६ घरे ठेवण्यात येणार आहेत. मध्यम उत्पन्न मिळवणाऱ्यांसाठी 227 आणि उच्च उत्पन्न मिळवणाऱ्यांसाठी 105 घरे उपलब्ध असतील. 25 लाख रुपयांपेक्षा कमी किमतीत फ्लॅट दिले जातील.

माध्यमांशी बोलताना गृहनिर्माण मंत्री म्हणाले की, महाराष्ट्रातील महानगर प्रदेशातील दुर्बल घटकांसाठी अशा अनेक घरांच्या योजना साकारण्यात म्हाडाचा सहभाग आहे. पुण्यातही अशाच प्रकारच्या गृहप्रकल्पांसाठी १०० एकर जमीन घेण्यात आली आहे. मुंबईला लागून असलेल्या ठाण्यातही म्हाडाच्या अशा स्वस्त घरांच्या उभारणीचे काम सुरू आहे. याशिवाय सातारा, सोलापूर, सांगली, मिरजमध्ये ज्या ठिकाणी म्हाडाच्या जमिनी आहेत, तेथे माफक दरात घरे बांधून सर्वसामान्यांना त्यांच्या स्वप्नातील घर उपलब्ध करून दिले जाणार आहे. खासगी बिल्डरांच्या घरांच्या किमतीपेक्षा म्हाडाची घरे ६० टक्के स्वस्त दरात उपलब्ध करून दिली जातील, असेही ते म्हणाले.

Good news for Mumbaikars : MHADA will draw lottery of 3,015 houses, 22 to 25 lakhs will get dream house

महत्त्वाच्या बातम्या

 

LEAVE A COMMENT

To be published, comments must be reviewed by the administrator.*



    वेदांत – फॉक्सकॉन सेमी कंडक्टर प्रकल्पाचे सर्वेसर्वा अनिल अग्रवाल यांचे महत्वाचे मुद्दे वनडे फॉरमॅटमधून ऑस्ट्रेलियन क्रिकेटर ॲरॉन फिंचची निवृत्ती भारत बनला 5वी सर्वात मोठी अर्थव्यवस्था