नेतेमंडळी सोशल डिस्टन्सिंग कधी पाळणार? : आमदार रत्नाकर गुट्टेंना कोरोनाची लागण; नुकतेच केले होते मंत्री, खासदार आणि अर्धा डझन आमदारांसोबत स्नेहभोजन। When will the leaders observe social distance? MLA Ratnakar Gutte infected with corona; Recently, a banquet was held with ministers, MPs and half a dozen MLAs

नेतेमंडळी सोशल डिस्टन्सिंग कधी पाळणार? : आमदार रत्नाकर गुट्टेंना कोरोनाची लागण; नुकतेच केले होते मंत्री, खासदार आणि अर्धा डझन आमदारांसोबत स्नेहभोजन

परभणी जिल्ह्यातील गंगाखेडचे आमदार डॉ. रत्नाकर गुट्टे हे कोरोना पॉझिटिव्ह आढळले आहेत. ही चिंतेची बाब तर आहेच. पण ते कोरोना पॉझिटिव्ह आढळून आल्याच्या २४ तास अगोदर राज्याचे माजी मुख्यमंत्री आणि विद्यमान सार्वजनिक बांधकाम मंत्री अशोक चव्हाण यांच्यासह एक खासदार, पाच आमदार आणि एका माजी आमदारांनी एकत्र जेवण केले होते. यामुळे या चिंतेत अधिकच भर पडली आहे. When will the leaders observe social distance? MLA Ratnakar Gutte infected with corona; Recently, a banquet was held with ministers, MPs and half a dozen MLAs

प्रतिनिधी

परभणी : परभणी जिल्ह्यातील गंगाखेडचे आमदार डॉ. रत्नाकर गुट्टे हे कोरोना पॉझिटिव्ह आढळले आहेत. ही चिंतेची बाब तर आहेच. पण ते कोरोना पॉझिटिव्ह आढळून आल्याच्या २४ तास अगोदर राज्याचे माजी मुख्यमंत्री आणि विद्यमान सार्वजनिक बांधकाम मंत्री अशोक चव्हाण यांच्यासह एक खासदार, पाच आमदार आणि एका माजी आमदारांनी एकत्र जेवण केले होते. यामुळे या चिंतेत अधिकच भर पडली आहे.

डॉ. रत्नाकर गुट्टे यांची प्रकृती ढासळत असल्याचे पाहून त्यांच्या शरीरात कोरोनाची सौम्य लक्षणे असल्याचे लक्षात येताच त्यांनी कोरोना चाचणी केली. त्याचा कोरोना चाचणी अहवाल पॉझिटिव्ह आला आहे. अशोक चव्हाण, खासदार संजय जाधव, आमदार अमर राजूरकर, आमदार बाबाजानी दुर्राणी, आमदार सुरेश वरपुडकर, आमदार डॉ.राहुल पाटील व जितेश अंतापूरकर, माजी आमदार डॉ. मधुसूदन केंद्रे काल गंगाखेड येथील रेल्वे उड्डाणपुलाच्या उद्घाटनप्रसंगी उपस्थित होते. यावेळी त्यांच्यासोबत सार्वजनिक बांधकाम विभागाचे अधिकारी व कर्मचारी मोठ्या संख्येने उपस्थित होते.

हा कार्यक्रम आटोपल्यानंतर अशोक चव्हाण यांच्यासह सर्व नेत्यांचा ताफा रत्नाकर गुट्टे यांच्या घरी पोहोचला. सर्वांनी मिळून त्यांच्या घरी जेवण केले होते. या वृत्तामुळे प्रशासनाची चिंता वाढली आहे. आमदार रत्नाकर गुट्टे यांनीही आपल्या संपर्कात आलेल्या लोकांना कोरोना चाचणी करून घेण्याचे आवाहन केले आहे.

परभणी लोकसभा मतदार संघातून निवडणूक लढवणार – महादेव जानकर यांची माहिती

या लाटेत नेतेमंडळींना कोरोना फटका

काल (१० जानेवारी) संरक्षण मंत्री राजनाथ सिंह आणि भाजपचे राष्ट्रीय अध्यक्ष जेपी नड्डा यांचीही कोरोना पॉझिटिव्ह असल्याची माहिती समोर आली होती. महाराष्ट्रात आतापर्यंत सुमारे 15 मंत्री आणि 70 हून अधिक आमदारांना कोरोनाची लागण झाली आहे.

काय आहे राज्यात परिस्थिती?

महाराष्ट्रातील कोरोनाच्या अराजकाला सोमवारी काहीसा लगाम लागला आहे. कोरोना बाधितांची संख्या 33 हजार 470 वर आली आहे. रविवारच्या तुलनेत सोमवारी १० हजार ९०० रुग्ण कमी आले आहेत. तसेच 8 जणांचा कोरोनामुळे मृत्यू झाला आहे. रविवारी 44 हजारांहून अधिक प्रकरणे नोंदवली गेली. सोमवारी महाराष्ट्रात 29 हजार 671 लोकांची कोरोनामुक्ती झाली आहे. त्याचवेळी, सोमवारी मुंबईत कोरोना संसर्गामध्ये मोठी घट झाली आहे. सोमवारी (10 जानेवारी) मुंबईत 13 हजार 648 नवीन रुग्ण आढळले आहेत. रविवारच्या तुलनेत ही संख्या सुमारे सहा हजारांनी कमी आहे. दरम्यान, एका दिवसात कोरोनामुळे 5 मृत्यू झाले आहेत. यापूर्वी चार दिवसांपासून मुंबईत किंवा त्याच्या जवळपास २० हजारांहून अधिक कोरोनाचे रुग्ण येत होते. दरम्यान, ओमिक्रॉनबद्दल सांगायचे तर सोमवारी राज्यात 31 रुग्ण वाढले.