एसटी संपामुळे खाजगी बस ऑपरेटर्सचे फावले; तिप्पट-चौपट भाड्याचा प्रवाशांना भुर्दंड!!


विशेष प्रतिनिधी

मुंबई : एसटी कर्मचाऱ्यांचा संप चिघळून सुमारे २२० डेपोमधले कामकाज ठप्प झाले आहे. या संपाचा प्रवाशांना फटका बसला तरी प्रायव्हेट बस ऑपरेटरचे मात्र फावले आहे. त्यांनी प्रवाशांवर तिप्पट-चौपट भाडेवाढ लादली आहे. Fall of private bus operators due to ST strike; Triple or quadruple fare for passengers !!

जिथे 100 रुपये तिकीट आहे ते 300 रुपये मोजून प्रवाशांना प्रवास करावा लागत आहे. पुणे-नगर चे भाडे ६०० पुढे गेले आहे. तसेच गाड्यांमध्ये जागा मिळत नाही त्यामुळे प्रवाशांना कोंबून प्रायव्हेट ऑपरेटर्स आपले उखळ पांढरे करून घेत आहेत.



दीर्घ पल्ल्याच्या गाड्यांचे भाडे चौपट झाल्याच्या बातम्या आहेत. 900 ते 1000 हजार रुपये भाडे असणाऱ्या प्रवासाला तीन – साडेतीन चार हजारापर्यंत भाडे आकारल्याच्या बातम्या आहेत.

संपावर तोडगा काढण्यासाठी दुपारपर्यंत अध्यादेश काढण्याचे आश्वासन ठाकरे सरकारने हायकोर्टात दिले आहे. परंतु कर्मचाऱ्यांची मुख्य मागणी एसटी महामंडळाचे राज्य सरकारमध्ये विलीनीकरण करावे याबाबत मात्र ठाकरे सरकार कोणतीही ठोस भूमिका जाहीर करायला तयार नाही. त्यामुळे कर्मचारी देखील संपावर ठाम आहेत. पण संपाच्या निमित्ताने प्रवाशांवर खाजगी बस चालक मात्र तिप्पट चौपट भाड्याचा भुर्दंड आकारताना दिसत आहेत.

Fall of private bus operators due to ST strike; Triple or quadruple fare for passengers !!

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    वेदांत – फॉक्सकॉन सेमी कंडक्टर प्रकल्पाचे सर्वेसर्वा अनिल अग्रवाल यांचे महत्वाचे मुद्दे वनडे फॉरमॅटमधून ऑस्ट्रेलियन क्रिकेटर ॲरॉन फिंचची निवृत्ती भारत बनला 5वी सर्वात मोठी अर्थव्यवस्था