शिवसेनेला 'शिवसेना उद्धव बाळासाहेब ठाकरे' नाव मिळताच 'बाळासाहेबांच्या शिवसेनेला' सवाल, तुमचे 'बाळासाहेब' कोण?? Shivsena UBT asks Shivsena B, who is your Balasaheb

शिवसेनेला ‘शिवसेना उद्धव बाळासाहेब ठाकरे’ नाव मिळताच ‘बाळासाहेबांच्या शिवसेनेला’ सवाल, तुमचे ‘बाळासाहेब’ कोण??

प्रतिनिधी

मुंबई : अखेर महाराष्ट्रात एका शिवसेनेच्या दोन शिवसेना झाल्या. शिवसेनेच्या ठाकरे गटाला “शिवसेना उद्धव बाळासाहेब ठाकरे”, तर मुख्यमंत्री एकनाथ शिंदे यांच्या गटाला “बाळासाहेबांची शिवसेना” हे नाव निवडणूक आयोगाने मंजूर केले. Shivsena UBT asks Shivsena B, who is your Balasaheb

मात्र आपल्या गटाला “शिवसेना उद्धव बाळासाहेब ठाकरे” हे नाव मिळताच या पक्षाच्या नेत्यांनी मुख्यमंत्री एकनाथ शिंदे यांच्या “बाळासाहेबांची शिवसेना” या पक्षावर शरसंधान साधताना तुमचे “बाळासाहेब” कोण??, असा सवाल केला आहे!!

Shivsena – NCP : भाजप – मनसेला काटशहासाठी शिवसेना – राष्ट्रवादी युतीची चर्चा; पण राष्ट्रवादीशी आघाडी करणाऱ्या पक्षांचा इतिहास काय सांगतो??

“शिवसेना उद्धव बाळासाहेब ठाकरे” या पक्षाचे प्रवक्ते खासदार अरविंद सावंत आणि आमदार भास्कर जाधव या दोघांनीही “बाळासाहेबांची शिवसेना” या पक्षाला हे बाळासाहेब कोण?? असा सवाल केला आहे. कारण आमच्या पक्षाला “शिवसेना उद्धव बाळासाहेब ठाकरे” असे नाव मिळाल्याने उद्धव साहेब आमचे नेते आहेत.

बाळासाहेब हे नाव आमच्याकडेच आहे आणि ते ठाकरे आहेत हे सिद्ध झाले आहे. पण तुमच्या पक्षाला “बाळासाहेबांची शिवसेना” हे नाव मिळाले आहे. महाराष्ट्रात अनेक “बाळासाहेब” आहेत. त्यापैकी तुमचे “बाळासाहेब” कोण??, असा सवाल अरविंद सावंत आणि भास्कर जाधव यांनी बाळासाहेबांची शिवसेना पक्षाला अर्थात शिंदे गटाला केला आहे. त्याचवेळी बाळासाहेब या नावाबद्दल आम्हाला हजर आहेत असा खुलासा भास्कर जाधव यांनी करून टाकला आहे.