Ashadhi Wari 2021 : पायी वारीसाठी आग्रही असणाऱ्या बंडातात्या कराडकरांना पोलिसांनी घेतले ताब्यात

By, shreekant patil - July 3, 2021 12:34:29

0

Police detained Bandatatya Karadkar For violeting covid rules Of Ashadhi Wari 2021 Pandharpur

Ashadhi Wari 2021 : कोरोनाची दुसरी लाट राज्यातून हळूहळू ओसरताना दिसत आहे. तरीही संभाव्य तिसऱ्या लाटेच्या भीतीमुळे राज्य सरकारने निर्बंध लादलेले आहेत. आषाढी वारीसाठीही सरकारने नियमावली जाहीर केलेली आहे. यानुसार पायी वारीसाठी परवानगी नाकारण्यात आली आहे. मोजक्याच मानाच्या वारकऱ्यांना बसने पंढरपुरात वारीसाठी दाखल होण्याची परवानगी देण्यात आली आहे. दरम्यान, पायी वारीसाठी आग्रही असणाऱ्या बंडातात्या कराडकरांना आणि त्यांच्या समर्थकांना पोलिसांनी ताब्यात घेतले आहे. Police detained Bandatatya Karadkar For violeting covid rules Of Ashadhi Wari 2021 Pandharpur

विशेष प्रतिनिधी

पुणे : कोरोनाची दुसरी लाट राज्यातून हळूहळू ओसरताना दिसत आहे. तरीही संभाव्य तिसऱ्या लाटेच्या भीतीमुळे राज्य सरकारने निर्बंध लादलेले आहेत. आषाढी वारीसाठीही सरकारने नियमावली जाहीर केलेली आहे. यानुसार पायी वारीसाठी परवानगी नाकारण्यात आली आहे. मोजक्याच मानाच्या वारकऱ्यांना बसने पंढरपुरात वारीसाठी दाखल होण्याची परवानगी देण्यात आली आहे. दरम्यान, पायी वारीसाठी आग्रही असणाऱ्या बंडातात्या कराडकरांना आणि त्यांच्या समर्थकांना पोलिसांनी ताब्यात घेतले आहे.

तत्पूर्वी, बंडातात्या कराडकर म्हणाले होते की, समूहाने न जाता वारकरी टप्याटप्याने पंढरपूरकडे पायी जातील. त्यानुसार आज पहाटे पाच वाजेच्या सुमारास काही वारकऱ्यांनी पायी चालायला सुरुवात केली. तेव्हा पोलिसांनी त्यांना अडवले आणि या सर्वांना सोडविण्यासाठी कराडकर तिथे पोहचले असता पोलिसांनी त्यांनाही ताब्यात घेतले आहे. दिघीमधील संकल्प मंगल कार्यालयात बंडातात्या कराडकर यांना ठेवण्यात आले आहे. त्यामुळे वारकरी आक्रमक झाले आहे. पायी वारीसाठी आग्रही असणाऱ्या वारकऱ्यांनी संकल्प मंगल कार्यालयाच्या बाहेर भजनी आंदोलनाला सुरुवात केली आहे.

दुसरीकडे, दिंडी निघालेली असल्याने आता थांबणं शक्य नाही, पायी वारी पूर्ण करणारचं, अशी भूमिका बंडातात्या कराडकर यांनी घेतली आहे. पायी वारीसाठी आपण आळंदीत दाखल होणार असल्याचा इशारा बंडातात्या यांनी दिला होता. त्यामुळे त्यांची समजूत काढण्याचे प्रयत्न पोलिसांकडून झाले. परंतु, बंडातात्या कराडकर आपल्या भूमिकेवर ठाम होते. अशातच आज पहाटे काही वारकऱ्यांनी पायी चालायला सुरुवात केली असता त्यांना पोलिसांनी अडवले आणि ताब्यात घेतले. त्यावेळी वारकऱ्यांना सोडवण्यासाठी गेलेल्या बंडातात्या कराडकर यांनादेखील पोलिसांनी ताब्यात घेतले.

फडणवीसांनी केला निषेध

बंडातात्यांच्या अटकेनंतर माजी मुख्यमंत्री व विरोधी पक्षनेते देवेंद्र फडणवीस यांनी आघाडी सरकारचा निषेध केला आहे. फडणवीस म्हणाले की, वारी हा महाराष्ट्राच्या संस्कृतीचा अविभाज्य घटक आहे. विठ्ठल-वारकरी यांचे नाते अवर्णनीय आहे. श्रद्धा-परंपरांचे महत्त्व आहेच! बंडातात्या कराडकर यांना अटक करून सरकारने काय साधले? काहीच मध्यम मार्ग नव्हता? वारकऱ्यांचा असा अपमान? थेट अटकेची कारवाई ही सर्वथा चुकीची आहे! तीव्र निषेध!!”

Police detained Bandatatya Karadkar For violeting covid rules Of Ashadhi Wari Pandharpur

महत्त्वाच्या बातम्या