माजी मंत्री गिरीश महाजन यांना कोरोनाची लागण

By, Ayesha Tamboli - January 8, 2022 01:55:19

0

महाजन हे गेल्या दोन दिवसांपासून मतदार संघात दौरे करत आहे. आज शनिवारी ( 8 जानेवारी ) त्यांच्या हस्ते विविध कामांचे भूमिपूजनही पार पडणार होते.Former minister Girish Mahajan infected with corona

विशेष प्रतिनिधी

जळगाव : महाराष्ट्रात कोरोनाबाधित रुग्णसंख्येत दिवसेंदिवस वाढतच चालली आहे. दरम्यान मागील काही दिवसांपासून राजकीय नेते एकापाठोपाठ कोरोना बाधित होताना पाहायला मिळतं आहे. अशातच भाजपचे नेते केंद्रीय रेल्वे राज्यमंत्री रावसाहेब दानवे आणि माजी मंत्री गिरीश महाजन आता पॉझिटिव्ह आले आहेत.

केंद्रीय रेल्वे राज्यमंत्री रावसाहेब दानवे यांना कोरोनाची लागण

गिरीश महाजन यांना सौम्य लक्षणे जाणवत असल्याने त्यांनी कोरोना चाचणी केली होती. या चाचणीचा अहवाल पॉझिटिव्ह आल्याने त्यांनी घरीच विलगीकरणात राहण्याचा निर्णय घेतला आहे.संपर्कात आलेल्यांना कोरोना चाचणी करण्याचे आवाहन महाजन यांनी केले आहे.

महाजन हे गेल्या दोन दिवसांपासून मतदार संघात दौरे करत आहे. आज शनिवारी ( 8 जानेवारी ) त्यांच्या हस्ते विविध कामांचे भूमिपूजनही पार पडणार होते. मात्र, त्यापुर्वीच त्यांना कोरोनाची लागण झाली आहे.