WATCH : चीननेच घडवली अतिरेकी निज्जरची हत्या, अमेरिकेतील मानवाधिकार कार्यकर्त्यांच्या दाव्याने खळबळ

By, Pravin Wankhade - October 10, 2023 08:27:37

0

वृत्तसंस्था

वॉशिंग्टन : खलिस्तानी दहशतवादी हरदीपसिंग निज्जरच्या हत्येमागे चीनचा हात असल्याचा दावा चीन कम्युनिस्ट पक्षावर (सीसीपी) नजर ठेवणाऱ्या मानवाधिकार कार्यकर्त्या जेनिफर झेंग यांनी केला आहे.

ट्विटरवर पोस्ट केलेल्या व्हिडीओमध्ये त्या म्हणाल्या– कॅनडामध्ये दहशतवादी निज्जरच्या हत्येमागे सीसीपी एजंट होते. भारत आणि पाश्चिमात्य देशांमध्ये फूट पाडण्यासाठी चीनने हे केले

तैवान किंवा जिनपिंग यांच्या लष्करी रणनीतीशी संबंधित कोणतीही माहिती जगाला कळू नये असे चीनला वाटत नाही, म्हणून सीसीपीने एक योजना आखली, असा दावाही त्यांनी केला. योजनेनुसार, काही सीसीपी एजंटांनी निज्जरची हत्या केली.

Exclusive: Today, shocking revelations about the assassination of the #Sikh leader, #HardeepSinghNijjar in #Canada, have emerged from within the #CCP.
It is alleged that the assassination was carried out by CCP agents.
The purpose was to frame #India, creating discord between… pic.twitter.com/aweBigR1bf

— Inconvenient Truths by Jennifer Zeng 曾錚真言 (@jenniferzeng97) October 8, 2023

एजंट भारतीयांच्या उच्चारानुसार इंग्रजी बोलायला शिकले होते

कॅनेडियन यूट्यूबर लाओ डेंगचा हवाला देत, झेंग म्हणाल्या- सीसीपी मंत्रालयाच्या राज्य सुरक्षा मंत्रालयाने जूनमध्ये सिएटल, यूएसए येथे काही अधिकाऱ्यांना पाठवले होते. येथे निज्जरच्या हत्येची योजना आखण्यात आली. उद्देश एकच होता – भारत आणि पश्चिम यांच्यात तेढ निर्माण करणे.

त्यांनी व्हिडिओमध्ये म्हटले आहे – भारताला गोवण्यासाठी निज्जरची हत्या करणारे एजंट भारतीयांच्या उच्चाराने इंग्रजी बोलायला शिकले होते. निज्जरची एका पार्किंगमध्ये हत्या करण्यात आली, त्यानंतर सीसीपी एजंटांनी पुरावे नष्ट करण्यासाठी त्याच्या कारमध्ये बसवलेला कॅमेरा नष्ट केला. त्यानंतर ते कॅनडाहून विमानाने चीनला परतले.

निज्जरवर 10 लाखांचे होते बक्षीस

18 जून 2023 रोजी संध्याकाळी कॅनडातील ब्रिटिश कोलंबिया येथील गुरुद्वाराच्या पार्किंगमध्ये दोन तरुणांनी खलिस्तान टायगर फोर्सचा प्रमुख दहशतवादी हरदीप सिंग निज्जरवर गोळीबार केला. निज्जर यांचा जागीच मृत्यू झाला. निज्जरला भारताने फरार घोषित केले होते आणि त्याच्यावर 10 लाखांचे बक्षीस होते.

3 महिन्यांनंतर म्हणजेच 18 सप्टेंबर 2023 रोजी कॅनडाचे पंतप्रधान जस्टिन ट्रूडो यांनी हाऊस ऑफ कॉमन्समध्ये म्हणजे तेथील संसदेत निवेदन दिले. जूनमध्ये ब्रिटिश कोलंबियामध्ये झालेल्या निज्जरच्या हत्येत भारत सरकारच्या एजंटचा हात असावा असा आरोप त्यांनी केला. ट्रूडो भारतीय गुप्तचर संस्था RAW चा संदर्भ देत होते.