हमासच्या हल्ल्याचा मध्यपूर्वेत मोठा परिणाम, सौदी अरेबिया आणि इस्रायलमधील ऐतिहासिक चर्चा ठप्प! The attack of Hamas has a big impact in the Middle East the historic talks between Saudi Arabia and Israel are stalled

हमासच्या हल्ल्याचा मध्यपूर्वेत मोठा परिणाम, सौदी अरेबिया आणि इस्रायलमधील ऐतिहासिक चर्चा ठप्प!

सौदी अरेबिया आणि इस्रायल यांच्यातील चर्चा अमेरिकेच्या मध्यस्थीने होत होती.

विशेष प्रतिनिधी

नवी दिल्ली : पॅलेस्टिनी दहशतवादी संघटना हमासने इस्रायलवर केलेले हल्ले आणि इस्रायलची प्रत्युत्तरादाखल कारवाई यांचा मध्यपूर्वेच्या राजकारणावर मोठा परिणाम झाला आहे. इस्रायल आणि सौदी अरेबिया यांच्यातील ऐतिहासिक चर्चा तूर्तास स्थगित करण्यात आल्याचा दावा मीडिया रिपोर्ट्समध्ये केला जात आहे. The attack of Hamas has a big impact in the Middle East the historic talks between Saudi Arabia and Israel are stalled

सौदी अरेबिया आपल्या परराष्ट्र धोरणाचा पुनर्विचार करत आहे. इस्रायल-हमासच्या हल्ल्यामुळेच सौदी अरेबिया आणि इराण यांच्यात उच्च पातळीवर चर्चा सुरू आहे. सौदीचे क्राउन प्रिन्स मोहम्मद बिन सलमान यांनी इराणचे राष्ट्राध्यक्ष इब्राहिम रायसी यांच्याशी गाझा पट्टीतील परिस्थितीबाबत फोनवर चर्चा केली.

Operation Ajay : इस्रायलमधून भारतीयांना घेऊन दुसरे विमान सुरक्षितपणे दिल्लीला परतले, २३५ लोक घरी परतले

सौदी अरेबिया आणि इस्रायल यांच्यातील चर्चा अमेरिकेच्या मध्यस्थीने होत होती. या संवादामुळे मध्यपूर्वेच्या राजकारणात मोठे बदल होऊ शकतात, असा दावा केला जात होता. याशिवाय या संभाषणाच्या बदल्यात सौदी अरेबियाने अमेरिकेसोबत महत्त्वपूर्ण संरक्षण करारही केला असता. मात्र, इस्रायल आणि हमास यांच्यातील संघर्षामुळे ही संपूर्ण चर्चा तूर्तास स्थगित करण्यात आली आहे.

मीडिया रिपोर्ट्सनुसार, गाझा पट्टीवर इस्रायली हल्ल्यामुळे संपूर्ण अरब जग संतप्त असताना, सौदी अरेबिया इस्रायलशी बोलून अरब देशांना नाराज करण्याचा धोका पत्करू इच्छित नाही.