पॉर्न स्टार खटल्यात सर्व 34 आरोपांमध्ये ट्रम्प दोषी आढळले; 11 जुलै रोजी शिक्षेची सुनावणी

By, Pravin Wankhade - May 31, 2024 09:00:15

0

वृत्तसंस्था

वॉशिंग्टन : डोनाल्ड ट्रम्प गुरुवारी गुन्ह्यासाठी दोषी ठरलेले अमेरिकेचे पहिले माजी राष्ट्राध्यक्ष ठरले. अध्यक्षीय निवडणुकीदरम्यान न्यूयॉर्कमध्ये जवळपास सहा आठवड्यांच्या खटल्यात त्यांना सर्व 34 आरोपांमध्ये दोषी ठरवण्यात आले. Porn star trial finds Trump guilty on all 34 counts; Sentencing hearing on July 11

पॉर्न स्टार स्टॉर्मी डॅनियल्सला गप्प करण्यासाठी पैसे दिल्याबद्दल आणि निवडणूक प्रचारादरम्यान बिझनेस रेकॉर्ड बनावट केल्याबद्दल ट्रम्प यांच्याविरुद्ध खटले प्रलंबित होते. हे प्रकरण 2016 चे आहे, ते पहिल्यांदा अमेरिकेचे राष्ट्राध्यक्ष म्हणून निवडून आले होते. अमेरिकेच्या इतिहासात राष्ट्राध्यक्षांवर फौजदारी खटला दाखल होण्याची ही पहिलीच वेळ होती.

वृत्तसंस्था रॉयटर्सच्या म्हणण्यानुसार, कोर्टाने 7 आठवड्यांत 22 साक्षीदारांची सुनावणी घेतली. यामध्ये स्टॉर्मी डॅनियल्सचाही समावेश होता. दोन दिवस विचारविनिमय केल्यानंतर 12 सदस्यीय ज्युरीने ट्रम्प यांना दोषी ठरवण्याचा निर्णय जाहीर केला. डोनाल्ड ट्रम्प यांना कोणती शिक्षा होणार यावर आता 11 जुलै रोजी सुनावणी होणार आहे.

ट्रम्प यांच्यावर 34 आरोप…

ट्रम्प यांच्यावर व्यावसायिक रेकॉर्ड बनावट केल्याचे 34 गुन्हे दाखल आहेत. हे सर्व आरोप पोर्न स्टार स्टॉर्मी डॅनियल्सला 2016च्या अध्यक्षीय निवडणुकीपूर्वी मौन बाळगण्यासाठी 1 लाख 30 हजार डॉलर (सुमारे 1 कोटी 7 लाख रुपये) देण्याशी संबंधित आहेत.

पॉर्न स्टार प्रकरणात ट्रम्प अवमानाचे दोषी; कोर्टाने ठोठावला 7 लाखांचा दंड, आदेश न पाळल्यास तुरुंगात जावे लागेल

11 चार्ज चेक स्वाक्षरीशी संबंधित आहेत. इतर 11 आरोप कोहेनने कंपनीला सादर केलेल्या खोट्या पावत्यांशी संबंधित आहेत आणि उर्वरित 12 आरोप रेकॉर्डमध्ये खोटी माहिती प्रदान करण्याशी संबंधित आहेत.

ट्रम्प यांचे वकील मायकल कोहेन यांनी आरोप केला होता की, 2016 च्या निवडणुकीपूर्वी ट्रम्प यांच्यासोबतच्या अफेअरबद्दल तिने काहीही बोलू नये म्हणून त्यांनी ट्रम्प यांच्या सांगण्यावरून स्टॉर्मीला पैसे दिले होते.

ट्रम्प यांनी अध्यक्ष झाल्यानंतर कोहेन यांना पैसे परत केल्याचा आरोप आहे. त्यासाठी त्यांनी कोहेन यांना 10 महिन्यांसाठी अनेक चेक दिले. त्यांनी ते कायदेशीर शुल्क म्हणून रेकॉर्डमध्ये दाखवले, जे खरेतर गुन्हा लपवण्यासाठी दिलेले पैसे होते.

आरोपांशी संबंधित दस्तऐवजात असे म्हटले आहे की ट्रम्प यांनी न्यूयॉर्क बिझनेस रेकॉर्डला सतत खोटी माहिती दिली, जेणेकरून ते आपला गुन्हा लपवू शकतील आणि निवडणुकीत फायदा मिळवू शकतील.

5 एप्रिल 2023 रोजी मॅनहॅटन कोर्टात ट्रम्प यांच्यावर 34 आरोप निश्चित करण्यात आले.