नोव्हाक जोकोविच यूएस ओपन 2023 चा विजेता; मेदवेदेवचा पराभव करत कारकिर्दीतील 24 वे ग्रँडस्लॅम नावावर|Novak Djokovic US Open 2023 Winner; 24th career Grand Slam by defeating Medvedev

नोव्हाक जोकोविच यूएस ओपन 2023 चा विजेता; मेदवेदेवचा पराभव करत कारकिर्दीतील 24 वे ग्रँडस्लॅम नावावर

वृत्तसंस्था

वॉशिंग्टन : सर्बियाच्या नोव्हाक जोकोविचने यूएस ओपन 2023 चे विजेतेपद पटकावले आहे. अंतिम फेरीत त्याने रशियाच्या डॅनियल मेदवेदेवचा पराभव केला. जोकोविचचे हे 24 वे ग्रँडस्लॅम आणि अमेरिकेचे चौथे पुरुष एकेरीचे विजेतेपद आहे. त्याने ग्रँडस्लॅम जिंकण्याच्या बाबतीत मार्गारेट कोर्टची बरोबरी केली आहे. पुरुष एकेरीत 24 ग्रँडस्लॅमसह सर्वाधिक विजेतेपद पटकावणारा जोकोविच खेळाडू ठरला आहे.Novak Djokovic US Open 2023 Winner; 24th career Grand Slam by defeating Medvedev

मेदवेदेवचा सरळ सेटमध्ये पराभव

न्यूयॉर्कच्या मार्गारेट कोर्टवर खेळल्या गेलेल्या अंतिम सामन्यात जोकोविचने डॅनियल मेदवेदेवचा 6-3, 7-6, 6-3 असा चुरशीच्या लढतीत पराभव केला. 36 वर्षीय जोकोविचने पहिला सेट 6-3 असा सहज जिंकला. मेदवेदेवने दुसऱ्या सेटमध्ये पुनरागमन करण्याचा प्रयत्न केला, मात्र जोकोविचने दुसरा सेटही 7-6 असा जिंकला.

French Open 2022 : राफेल नदाल पुन्हा एकदा टेनिसचा बादशहा, 14व्यांदा जिंकले फ्रेंच ओपनचे विजेतेपद

तिसऱ्या सेटमध्ये 6-3 असा सहज विजय मिळवत त्याने आपले विक्रमी 24 वे ग्रँडस्लॅम जेतेपद पटकावले. 2021 मध्ये यूएस ओपनच्या फायनलमध्ये जोकोविचला मेदवेदेवविरुद्ध पराभवाचा सामना करावा लागला होता.

जोकोविचचे यूएस ओपनचे चौथे विजेतेपद

जोकोविचचे हे चौथे यूएस ओपन जेतेपद आहे. यापूर्वी त्याने 2011, 2015 आणि 2018 मध्ये यूएस ओपनचे विजेतेपद पटकावले होते. जोकोविचने विक्रमी 36व्यांदा ग्रँडस्लॅमच्या अंतिम फेरीत प्रवेश केला आणि 24 जेतेपदे जिंकली.

कोको गॉफने महिला एकेरीचे विजेतेपद पटकावले

अमेरिकेच्या युवा टेनिसपटू कोको गॉफने शनिवारी यूएस ओपनच्या अंतिम फेरीत बेलारूसच्या अरिना सबालेन्काचा पराभव करून यूएस ओपनचे विजेतेपद पटकावले. १९ वर्षीय गॉफच्या कारकिर्दीतील हे पहिले ग्रँडस्लॅम जेतेपद आहे. पहिला सेट गमावल्यानंतर गॉफने शानदार पुनरागमन करत सामना 2-6, 6-3, 6-2 असा जिंकला.

हे विजेतेपद पटकावणारी गॉफ 2017 नंतरचा पहिली अमेरिकन खेळाडू ठरली आहे. हा पराक्रम सोलन स्टीफनने शेवटचा 2017 मध्ये केला होता. 1999 नंतर यूएस ओपन जिंकणारी गॉफ ही पहिली अमेरिकन किशोरवयीन खेळाडू आहे. सेरेना विल्यम्सने 1999 मध्ये ही कामगिरी केली होती.