Netanyahu : नेतन्याहूंवर आंतरराष्ट्रीय न्यायालयात युद्ध गुन्ह्याचे आरोप निश्चित; अटकेचे वॉरंट जारी

By, Pravin Pawar - November 22, 2024 02:00:58

0

वृत्तसंस्था

नवी दिल्ली : Netanyahu आंतरराष्ट्रीय गुन्हेगारी न्यायालयाने (ICC) गुरुवारी इस्रायलचे पंतप्रधान बेंजामिन नेतन्याहू यांच्याविरोधात अटक वॉरंट जारी केले. नेतन्याहू यांच्यावर गाझामधील युद्ध गुन्ह्यांचा आरोप आहे. या प्रकरणी इस्रायलचे माजी संरक्षण मंत्री योव गॅलांट आणि हमासचा माजी कमांडर मोहम्मद दाईफ यांच्याविरोधातही वॉरंट जारी करण्यात आले आहे.Netanyahu

वॉरंट जारी करताना, आयसीसीने म्हटले की गाझामधील पॅलेस्टिनींवरील उपासमार आणि अत्याचारांसाठी नेतन्याहू आणि गॅलंट यांना जबाबदार धरण्यासाठी ठोस कारणे आहेत.

वॉरंटमध्ये मोहम्मद दाईफ यांच्यावर 7 ऑक्टोबर रोजी इस्रायलमध्ये सामूहिक हत्या, बलात्कार आणि लोकांना ओलीस ठेवल्याचा आरोप आहे. मात्र, जुलैमध्ये झालेल्या हल्ल्यात मोहम्मद दाईफ ठार झाल्याचा दावा इस्रायलने केला होता.

मनोज जरांगे म्हणाले- निवडणुकीचं विसरून जा, आता आरक्षणासाठी सामूहिक उपोषणाच्या तयारीला लागा

रशियाचे राष्ट्राध्यक्ष व्लादिमीर पुतिन यांच्याविरुद्ध युक्रेनमधील युद्ध गुन्ह्यांसाठी आयसीसीने अटक वॉरंटही जारी केले आहे.

इस्रायलने आरोप फेटाळून लावले

इस्रायलने आयसीसी अधिकारक्षेत्र नाकारून गाझामधील युद्ध गुन्ह्यांचा इन्कार केला आहे. इस्रायलचे माजी पंतप्रधान नफ्ताली बेनेट यांनी नेतन्याहू आणि गॅलंट यांच्याविरुद्ध वॉरंट जारी करण्यावर टीका केली आहे. इस्रायलचे प्रमुख विरोधी पक्षनेते यायर लिपिड यांनीही या आदेशाचा निषेध केला असून, याला दहशतवादाचे बक्षीस म्हटले आहे. वॉरंटवर नेतन्याहू आणि गेलेंट यांच्याकडून सध्या कोणतीही प्रतिक्रिया आलेली नाही.

आयसीसीला अटक करण्याचा अधिकार नाही

आयसीसीने हे वॉरंट जारी केले असले तरी संशयितांना अटक करण्याचे अधिकार त्यांच्याकडे नाहीत. ज्या देशांनी या न्यायालयाच्या स्थापनेसाठी करारावर स्वाक्षरी केली आहे तेथेच ते आपला अधिकार वापरू शकतात.

आंतरराष्ट्रीय फौजदारी न्यायालय 2002 मध्ये सुरू झाले

आंतरराष्ट्रीय गुन्हेगारी न्यायालय म्हणजेच ICC 1 जुलै 2002 रोजी सुरू झाले. ही संस्था जगभरातील युद्धगुन्हे, नरसंहार आणि मानवतेविरुद्धच्या गुन्ह्यांचा तपास करते. ही संस्था 1998च्या रोम करारावर तयार केलेल्या नियमांच्या आधारे कारवाई करते. आंतरराष्ट्रीय फौजदारी न्यायालयाचे मुख्यालय हेग येथे आहे. ब्रिटन, कॅनडा, जपानसह 123 देश रोम करारानुसार आंतरराष्ट्रीय फौजदारी न्यायालयाचे सदस्य आहेत.