Rahul Gandhi : राहुल गांधी म्हणतात, अदानींनी 2000 कोटींचा घोटाळा केला

By, Pravin Wankhade - November 21, 2024 07:00:03

0

गौतम अदानी यांनी संपूर्ण देशाला हायजॅक केले आहे, असाही आरोप केला आहे.

विशेष प्रतिनिधी

नवी दिल्ली : Rahul Gandhi काँग्रेस खासदार राहुल गांधी यांनी गौतम अदानी यांच्याबाबत मोठे वक्तव्य केले आहे. अदानी यांनी 2000 कोटींचा घोटाळा केला असून त्यांना अटक करण्यात यावी, असे ते म्हणाले. तसेच राहुल गांधी म्हणाले की, मोदी गौतम अदानी यांचे समर्थन करतात. घोटाळा होऊनही त्यांच्यावर कारवाई होत नाही आणि होणार नाही.Rahul Gandhi

Exit Poll महाराष्ट्रात 11 पैकी 6 एक्झिट पोलमध्ये महायुतीचे सरकार, झारखंडमध्ये 8 पैकी 4 पोलमध्ये भाजपला बहुमत

राहुल गांधी पुढे म्हणाले की, आम्हाला माहित होते की त्यांना अटक होणार नाही. कारण पंतप्रधान त्यांच्या मागे उभे आहेत. राहुल यांनी अदानी प्रकरणात जेपीसीची मागणी केली. हा मुद्दा आम्ही संसदेत मांडू. राहुल म्हणाले की, अमेरिकन एजन्सी म्हणाली की अदानी यांनी गुन्हा केला आहे. तेथेही त्यांच्यावर गुन्हा दाखल करण्यात आला आहे. पंतप्रधान मोदी इथे अदानी विरोधात काहीही करत नाहीत आणि करू शकत नाहीत.

राहुल गांधी म्हणाले की, गौतम अदानी यांनी संपूर्ण देशाला हायजॅक केले आहे. घोटाळा होऊनही अदानी तुरुंगाबाहेर का? इथे छोट्या गुन्हेगाराला लगेच तुरुंगात टाकले जाते आणि अदानी इतके दिवस तुरुंगाबाहेर आहे. अदानी यांचे सरकारवर पूर्ण नियंत्रण आहे. अदानी यांनी भारत आणि अमेरिकेतील गुंतवणूकदारांना खोटे बोलले आहे. त्यांना अटक करून चौकशी करण्यात यावी आणि त्यानंतर यात कोणाचा हात असेल त्यांना अटक करण्यात यावी, अशी आमची इच्छा आहे.